بھٹکل :4مارچ کو کریکال سمندرکنارے نامدھاری دھیان کوٹیر کا افتتاح
بھٹکل:14/ فروری (ایس اؤنیوز)تعلقہ کے کریکال سمندر کنارے نوتعمیرشدہ دھرمستھل اجیرے کے شری رام اکشھتر دھیان کوٹیر عمارت کا افتتاح 4مارچ کو ہوگا۔بدھ کو آسارکیری وینکٹ رامن ہال میں منعقدہ پریس کانفرنس میں اکھشتر کے شری برہمانند سرسوتی سوامی جی نےاس بات کی اطلاع دی۔
پریس کانفرنس میں بتایا گیاکہ 4مارچ کو منعقد ہونے والے افتتاحی پروگرام کی نگرانی برہمانند سوامی جی کریں گے تو ضلع انچارج وزیر آر وی دیش پانڈے عمارت کا افتتاح کریں گے۔ رکن اسمبلی منکال وئیدیا صدارت کریں گے۔ مہمان خصوصی کی حیثیت سے راجیہ سبھا کے ممبر بی کے ہری پرساد، دکشن کنڑا ضلع نگراں کار وزیر بی رماناتھ رائی ، سابق وزیر شیوانند نائک، سابق رکن اسمبلی جے ڈی نائک، اُڈپی کے سابق وزیر رگھوپتی بھٹ، اترکنڑا ضلع بی جے پی صدر کے جی نائک، ضلع کانگریس صدر بھیمنانائک، نامدھاری سنگھکے سابق صدرایل ایس نائک، جے این نائک، سرسی ماری کامبا مندر کے صدر وینکٹیش نائک شریک ہونگے۔ اس موقع پر مندر انتظامیہ کے صدر ایم آرنائک، سکریٹری راجیش نائک، شری دھرنائک، جے نائک، ایل ایس نائک، کمٹہ کے سورج نائک، آر جی نائک، سداپور کے بھیمنانائک، شری نواس نائک، ہوناور بھٹکل نامدھاری طبقے کے اہم ذمہ داران اور ضلعی لیڈران موجود تھے۔