بھٹکل شہر کے کامیاب تاجر محمد ابوبکر قمری کے جانشینوں کے خوابوں کی تعبیر ’’قمری ٹاور‘‘کا شاندار افتتاح
بھٹکل:4/مئی (ایس اؤنیوز) انسان کڑی محنت ،مخلصانہ کوششوں کے ذریعے اپنی بہتری اور ترقی کی طرف گامزن ہوتاہے تو فطرت بھی اس کا استقبال کرتی ہے اور وہ سب کچھ نوازتی جاتی ہے جس کی وہ تمنا کرتاہے۔ ایسی ہی ایک مثال بھٹکل کے مثالی تاجر محترم ابوبکر قمری ہیں۔ خلیج میں اپنی بہترین کمائی کو الوداع کہہ کرسال 1982میں بھٹکل میں ایک چھوٹی سے دکان ’’اسٹیل سنٹر‘‘ کے نام سے اپنی تجارت شروع کرنے والے شہر کے مشہور ومعروف تاجر ابوبکر قمری کامیابی کی منزلوں کو طئے کرتے ہوئےاپنے جانشین عرفات، آفتاب اور عمارکے بھرپور تعاون سے جدید زمانے کے تقاضوں کے تحت پینٹنگ کے میدان میں نئی بلندیوں کو چھو رہے ہیں۔
آگے بڑھتے ہوئے ابوبکر قمری صاحب نے1995میں شمس الدین سرکل پر ’’کلر کارنر‘‘پھر 2007میں قومی شاہراہ ،گڈلک روڈ کے روبرو’’کلر ڈیکور‘‘کی شروعات کی ۔ 1982سے انڈین ایشین پینٹس کے ضلعی ڈیلر کے طورپر اپنی بہترین خدمات انجام دینا ان کی تجارت کے کامیابی کی دلیل ہے۔ اور اب شمس الدین سرکل پر فاریسٹ دفتر سے متصل ’’قمری ٹاور‘‘ نامی بہترین تجارتی و رہائشی کامپلکس افتتاح کے ساتھ ہی ان کے جانشینوں کا تجارتی سفر شروع ہوتاہے۔ یہاں تک پہنچنے کے لئے قمری صاحب نے کھٹن راہوں اور کانٹوں سے گزرے ہیں، کئی تکالیف کا سامنا کیا ہے ، دل ،جگر ایک کیا ہے، اور اسی طرح ان کی فرمانبردار اولا د نے ان کا بھر پور تعاون کیا ہے۔ تب کہیں جا کرزندگی میں یہ سہانے دن آئے ہیں۔ اللہ ان کی تجارت میں مزید برکت عطا کرے۔ آمین۔
ابوبکر قمری صاحب کے جانشینوں کے خوابوں کی تعبیر ’’قمر ی ٹاور‘‘ کا افتتاح مرکزی جماعت المسلمین بھٹکل کے چیف قاضی مولانا محمد اقبال مُلا ندوی کی دعا سے2مئی 2017 بروز منگل بعدنماز فجر 7بجے ہوا۔جلسہ کا آغاز مرکزی خلیفہ جماعت المسلمین بھٹکل کے معاون قاضی مولانا ایمن قمری کی تلاوت قرآن سے ہوا۔ ا س موقع پر مرکزی خلیفہ جماعت المسلمین بھٹکل کے چیف قاضی مولانا خواجہ معین الدین اکرمی ندوی مدنی ، جامعہ اسلامیہ بھٹکل کے مہتمم مولانا محمد مقبول کوبٹے ندوی نے حلال تجارت، گاہکوں کے ساتھ ایمانداری کے موضوع پر جامع خطاب کیااور تنظیم کے نائب عنایت اللہ شاہ بندری نے بھی موقع کی مناسبت سے اپنے تاثرات کااظہارکیا۔
اسی دن دوپہر 12بجےقمری ٹاور میں ایشین پینٹنگ شوروم کی تقریب رونمائی منعقد ہوئی ، تنظیم کے صدر محمد مزمل قاضیا نے افتتاح کیا۔ اس موقع پر ایشین پینٹس کے ڈی ایم مسٹر آشیش رائے، ریجنل مینجر مہیندر ا جی ، انجمن کے صدر عبدالرحیم جوکاکو سمیت کئی ذمہ داران موجود تھے۔ آفتاب قمری نے مہمانوں کا استقبال کرتے ہوئے نظامت کے فرائض بھی انجام دئیے اورآخر میں شکریہ اداکیا۔ پروگرام کے بعد ظہرانہ کا انتظام کیا گیا تھا۔
نئے افتتاح کردہ قمر ی ٹاور میں
1۔ آفتاب قمری ’’اسٹیل سنٹر ‘‘کی نگرانی کریں گے جہاں Architectural Hardware and Fittings۔گودریج ، Yell۔Spider۔ لنک اینڈ ہارڈویر فٹنگس۔ ایشین پینٹس کے موڈلر کچنس وغیرہ دستیاب ہیں۔
2۔عرفات قمری کی نگرانی میں ’’کلر ڈیکور ‘‘کام کرے گا۔ جہاں آٹوموبائیل پینٹس، انڈسٹریل پینٹس سے آپ اپنے مکانات، دکان ، عمارات کو رنگین کرسکتے ہیں۔
3۔’’اسمارٹ انٹیرئیر ‘‘کی ذمہ داری محمد عمار قمری سنبھالیں گے۔جہاں Sanitary ware۔ پلمبنگ، الکٹریکلس، لائٹس، پلائی ووڈ لامینیٹس وینیر ، ڈیکوریٹیو وال پیانلس، سی سی ٹی وی کیمرے ، بائیو میٹرک انٹرئیر ڈیزائننگ اور 3ڈی رینڈرنگ وغیرہ کی سہولیات ہیں۔