بھٹکل: دی نیو انگلش پی یو کالج کے زیر اہتما م طلبا کے لئے انوکھے ملن پروگرام کاانعقاد

Source: S.O. News Service | By Abu Aisha | Published on 17th July 2017, 7:28 PM | ساحلی خبریں |

بھٹکل:17/جولائی (ایس اؤنیوز)دی نیو انگلش پی یو کالج میں نئے طورپر داخلہ لئے طلبا و طالبات کے لئے استقبالیہ اور پی یو دوم میں زائد نمبرات کے ساتھ کامیاب ہوئے طلبا کی تہنیت کے لئے سماگم نامی پروگرام کا کونٹوانی سرکاری ہائی اسکول کے صدر مدرس ایس ایم ہیگڈے نے افتتاح کیا ۔

افتتاح کے بعد انہوں نے طلبا سے خطاب کرتے ہوئے کہاکہ طلبا صرف نمبرات کو دھیان میں رکھ کر پڑھائی نہ کریں بلکہ زندگی جینے کا طریقہ اور فن سیکھنے کی کوشش کریں اور اسی مقصد کے لئے تعلیم حاصل کریں۔ انسان کے لئے بھلی اور سچی بات اور آپسی تال میل کی خصوصیات اشد ضروری ہونےکی بات کہی۔ پی یو دوم میں زائد مارکس حاصل کئے طلبا کو انعامات عطاکرنے کے ساتھ ساتھ انہیں ایک ایک درخت تحفہ دے کر ماحولیاتی فکر کو اجاگر کیا گیا ۔ بھٹکل ایجوکیشن ٹرسٹ کے صدر ڈاکٹر سریش نایک نے پروگرام کی صدارت کی ۔ کالج کے پرنسپال وریند ر شانبھاگ ، تعلیمی صلاح کار بی آر کے مورتی موجود تھے۔ پرتیکشااور دیگر طالبات نے پرارتھنا کی۔ میگھنا نے استقبال کیا۔ مہامائی نے نظامت کی۔ گورو نامی طالب علم نے شکریہ اداکیا۔ اس کے بعد طلبا کی طرف سے مختلف ثقافتی پروگرام پیش کئے گئے۔

ایک نظر اس پر بھی

دکشن کنڑا میں آج ختم ہو رہی عام تشہیری مہم - نافذ رہیں گے امتناعی احکامات - شراب کی فروخت پر رہے گی پابندی

دکشن کنڑا کے ڈپٹی کمشنر مولئی موہیلن کی طرف سے جاری کیے گئے احکامات کے مطابق لوک سبھا الیکشن سے متعلق عوامی تشہیری مہم اور اجلاس وغیرہ کی مہلت آج شام بجے ختم ہو جائے گی جس کے بعد 48 گھنٹے کا 'سائلینس پیریڈ' شروع ہو جائے گا ۔

بھٹکل کا کھلاڑی ابوظبی انڈر۔16 کرکٹ ٹیم میں منتخب؛

بھٹکل کے معروف اور مایہ ناز بلے بازاور کوسموس اسپورٹس سینٹر کے سابق کپتان ارشد گنگاولی کے فرزند ارمان گنگاولی کو ابوظبی انڈر۔ 16 کرکٹ ٹیم میں شامل کیا گیا ہے جو جلد منعقد ہونے والے انڈر 16  ایمریٹس کرکٹ ٹورنامنٹ میں اپنے کھیل کا مظاہرہ کریں گے۔

اتر کنڑا لوک سبھا سیٹ کے لئے میدان میں ہونگے 13 امیدوار

ضلع اتر کنڑا کی لوک سبھا سیٹ کے لئے پرچہ نامزدگی واپس لینے کی آخری تاریخ تک کسی بھی امیدوار نے اپنا پرچہ واپس نہیں لیا جس کے بعد قطعی فہرست کے مطابق جملہ 13 امیدوار مقابلے کے لئے میدان میں رہیں گے ۔  اس بات کی اطلاع  ڈسٹرکٹ الیکشن آفسر اور اُترکنڑاڈپٹی کمشنر گنگوبائی مانکر نے ...

بھٹکل سمندر میں غرق ہوکر لاپتہ ہونے والے نوجوان کی نعش برآمد؛ سینکڑوں لوگ ہوئے جنازے میں شامل

  اتوار شام کو سوڈی گیدے سمندر میں غرق ہوکر لاپتہ ہونے والے حافظ کاشف ندوی ابن اسماعیل رکن الدین کی نعش بالاخر رات کے آخری پہر قریب 4:20   کو سمندر سے برآمد کرلی گئی اور بھٹکل سرکاری اسپتال میں پوسٹ مارٹم و دیگر ضروری کاغذی کاروائیوں اور میت کی آخری رسومات وغیرہ  کے بعد صبح ...

کاروار کے قریب جوئیڈا کی کالی ندی میں غرق ہوکر ایک ہی خاندان کے چھ لوگوں کی موت؛ بچی کو بچانے کی کوشش میں دیگر لوگوں نے بھی گنوائی جان

چھوٹی بچی کوکالی ندی میں ڈوبنے سے بچانے کی کوشش میں ایک ہی خاندان کے چھ لوگ ایک کے بعد ایک غرق ہوکر جاں بحق ہوگئے، واردات کاروار سے قریب  80 کلو میٹر دور جوئیڈا  تعلقہ کے اکوڈا نامی دیہات میں اتوار شام کو پیش آئی۔