بھٹکل:20/ نومبر (ایس اؤنیوز)قومی اتحاد اور آزادی کو مضبوط کرنے ، فسادات اور فرقہ وارانہ نفرت کی روک تھام کے مقصد کو لے کر مرڈیشور کے آر این شٹی پالی ٹکنک میں قومی اتحاد ہفتہ پروگرام کا پرنسپال کے مری سوامی نے اجراء کیا۔
میٹنگ میں خطاب کرتےہوئے انہوں نے کہاکہ بھارت مختلف دھرموں ، زبان ، تہذیبوں پر مشتمل ایک کثیر القوم ملک ہونے کےساتھ ساتھ کثرت میں وحدت کا پیغام دینے والا ملک ہے۔ یہاں ایک دوسرے کا احترام، مساوات اور بھائی چارگی کا پیغام پھیلایا جاتا ہے۔ اس موقع پرشریک لکچرر حضرات کو قومی اتحاد کے حلف کی خواندگی کرائی گئی ۔ سول انجنئیرنگ کے صدر اُدئیے ڈی پاٹل ، کمپیوٹر شعبہ کے صدر وی ٹی بھٹ، میکانیکل انجنئیرنگ کے صدر ہریش پٹیال، کملاکر نائک، این ایس ایس کے نگراں کار دنیش آچاریہ ، الکٹریکل انجنئیرنگ کے سائی دت، لکچرر اور عملہ وغیرہ موجود تھے۔