بھٹکل مسلم مرچنٹس ایسو سی ایشن کا قیام اور اجلاس عام

Source: S.O. News Service | By I.G. Bhatkali | Published on 30th December 2018, 2:59 PM | ساحلی خبریں | ان خبروں کو پڑھنا مت بھولئے |

بھٹکل 30/ڈسمبر (ایس او نیوز/ابوالکاشف) بھٹکل کے مسلم تاجروں کو ایک متحدہ پلیٹ فارم پر لانے کے لئے تشکیل دی گئی ایڈہاک کمیٹی کے زیراہتمام بندر روڈ پر واقع ’الافراء ‘ ہال میں ایک خصوصی اجلاس عام منعقد کیا گیا جس میں ’بھٹکل مسلم مرچنٹس ایسو سی ایشن‘ کا قیام عمل میں آیااور دستوری تجاویز کو منظوری دینے کے ساتھ آئند ہ انتظامیہ کمیٹی کی تشکیل کے لئے الیکشن کمیشن کا بھی تقرر کیا گیا۔ 

کنوینر ایڈہاک کمیٹی جناب افتخار رکن الدین (مالک تحسین سوپر مارکیٹ ) کی صدارت میں جلسے کا آغاز حمدان رکن الدین نواب کی تلاوت کلام پاک سے ہوا۔ مولانا عبدالرحمن شاہبندری نے اتحاد و اتفاق اور دینی اصول و ضوابط کے ساتھ تجارت کرنے کے تعلق سے مختصر اور پرمغز خطاب کیا۔ ڈاکٹر محمد حنیف شبابؔ نے بھٹکل کے مسلم تاجروں کے لئے ایک متحدہ پلیٹ فارم کی ضرورت اور ماضی میں کی گئی ایک کامیاب کوشش کا ذکر کرنے کے بعدموجودہ حالات میں ’’بھٹکل مسلم مرچنٹس ایسو سی ایشن ‘‘ کے قیام کے تعلق سے حاضرین اجلاس سے رائے طلب کی تو بالاتفاق ایسو سی ایشن کے قیام کو منظوری دی گئی۔ پھر موصوف نے ایڈہاک کمیٹی کی طرف سے وضع کردہ دستوری تجاویز پیش کیں۔ حاضرین نے ان تجاویز پر کھل کر بحث کی اور کچھ ضروری ترمیمات کے بعد دستورکو منظوری دی گئی۔ حاضرین نے ایسو سی ایشن کو فعال بنانے کے سلسلے میں مفید مشورے بھی دئے۔

اس کے بعدآئندہ مجلس انتظامیہ کی تشکیل اور عہدیداران وغیرہ کے انتخابات کے لئے ایک الیکشن کمیشن تشکیل دیا گیا جس کے اراکین ڈاکٹر محمد حنیف شبابؔ ، جناب عدنان رکن الدین اور جناب مشتاق محتشم مقرر ہوئے۔رکنیت سازی کے لئے حاضرین میں ممبرشپ فارم تقسیم کرتے ہوئے منظور شدہ دستوری شق کی روشنی میں واضح کیا گیا کہ یہ ایسوسی ایشن صرف دکانداروں اوربزنس کرنے والے حضرات کے لئے مخصوص ہوگی۔ اس میں دیگر پیشہ ورانہ خدمات انجام دینے والوں (پروفیشنلس) کو شامل نہیں کیا جائے گا۔

اس دوران انجمن حامئ مسلمین کی صدسالہ تقریبات کے آغاز کے تعلق سے موصولہ مراسلہ پڑھا گیا اور دکان داروں سے درخواست کی گئی کہ جمعرات 3جنوری کودوپہر 2بجے سے 5بجے تک انجمن کا جو جلوس نکلنے والا ہے اس وقت تمام مسلم دکان دار اپنی دکانیں بند رکھتے ہوئے جلوس میں شریک ہوں اور انجمن کی درخواست پر لبیک کہتے ہوئے جلوس کو پروقار انداز میں کامیابی سے ہمکنار کرنے میں اپنا بھر پور تعاون دیں۔

جلسے کے آخر میں ایسوسی ایشن کے قیام کے لئے بہت زیادہ سرگرمی دکھانے والے جناب حبیب اللہ سدی باپا نے اپنے تاثرات کا اظہارکرتے ہوئے تمام دکان داروں سے ایسوسی ایشن میں شامل ہونے اور اسے تقویت دینے کی اپیل کی۔اسٹیج پر ایڈہاک کمیٹی کنوینر کے علاوہ دیگر اراکین جناب عبدالقیوم کولمبو، جناب مولانا عبدالرحمن شاہبندری، جناب ثناء اللہ گوائی، جناب ذیشان علی اکبرا،جناب عبدالرؤف نائیطے، جناب محمد اشرف واگ، جناب قمرالدین مشائخ موجود تھے۔ تقریباً 175مسلم دکان دار اس اجلاس میں شریک رہے، جن کے لئے تواضع کاانتظام بھی کیا گیا تھا۔ ڈاکٹر محمد حنیف شباب ؔ کے کلمات تشکر کے ساتھ یہ اجلاس عام بحسن و خوبی اختتام پزیر ہوا۔

ایک نظر اس پر بھی

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...

بھٹکل میں انجلی نمبالکر نے کہا؛ آنے والےانتخابات بی جے پی اور کانگریس کے درمیان نہیں ، امیروں اور غریبوں کے درمیان اور انصاف اور ناانصافی کے درمیان مقابلہ

  آنے والے لوک سبھا انتخابات میں اصل مقابلہ  بی جے پی اور کانگریس کے درمیان  نہیں ہوگا بلکہ  اڈانی اور امبانی جیسے  سرمایہ داروں  کو تعاون فراہم کرنے والوں اور غریبوں کو انصاف دلانے والوں کے درمیان ہوگا، صاف صاف کہیں تو یہ سرمایہ داروں اور غریبوں کے درمیان  مقابلہ ہے۔ یہ بات ...

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...

لوک سبھا انتخاب: مالوگم میں صرف ’ایک ووٹر‘ کے لیے الیکشن کمیشن نے اٹھایا بڑا قدم!

لوک سبھا انتخاب کی سرگرمیوں کے درمیان اروناچل پردیش سے ایک دلچسپ خبر سامنے آ رہی ہے۔ اروناچل پردیش میں لوک سبھا اور اسمبلی انتخاب سے قبل الیکٹورل افسران کی ایک ٹیم انجا ضلع کے مالوگم گاؤں پہنچنے والی ہے۔ دراصل اس گاؤں میں 44 سالہ سوکیلا تایانگ تنہا ووٹر ہیں اور وہ خاتون بھی ...

عازمین کیلئے دوسری قسط جمع کرانے کی آج آخری تاریخ

قرعہ اندازی میں منتخب عازمین اورویٹنگ لسٹ کنفرم ہونے والے تمام عازمین کو دوسری قسط کےطور پر ایک لاکھ ۷۰؍ ہزار روپے جمع کرانے کیلئے توسیع شدہ تاریخ کا آج  بروز جمعرات ۲۸؍ مارچ آخری دن ہے ۔ اسی کے ساتھ ایسی خواتین جو محرم کے زمرے میں شامل تھیں، یعنی ان کے شوہروں یا اہل خانہ نے ...

کیجریوال کی گرفتاری کے خلاف آج دہلی ہائی کورٹ میں سماعت، عآپ کا سڑکوں پر احتجاج جاری

دہلی شراب پالیسی معاملہ میں وزیر اعلی اروند کیجریوال کی گرفتاری کے بعد سڑکوں پر احتجاج جاری ہے۔ منگل (26 مارچ) کو عام آدمی پارٹی کے کارکنان وزیر اعظم کی رہائش گاہ کا گھیراؤ کرنے کے لیے سڑکوں پر نکل آئے اور شدید احتجاج کیا، جس پر دہلی پولیس نے سیکورٹی سخت کرتے ہوئے مظاہرین کو ...

لوک سبھا انتخاب 2024: کانگریس نے امیدواروں کی ساتویں فہرست جاری کی، اب تک 197 امیدواروں کا ہو چکا اعلان

لوک سبھا کی 543 سیٹوں کے لیے 19 اپریل سے یکم جون کے درمیان سات مراحل میں ووٹ ڈالے جائیں گے اور اس تعلق سے سبھی سیاسی پارٹیوں کی سرگرمیاں عروج پر ہیں۔ پارٹیاں لگاتار اپنے امیدواروں کے ناموں کا اعلان کر رہی ہیں۔ اس درمیان کانگریس نے امیدواروں کی ساتویں فہرست آج جاری کر دی جس میں ...