بھٹکل مسلم جماعت بحرین کا خوبصورت عید ملین پروگرام 

Source: S.O. News Service | By Jafar Sadique Nooruddin | Published on 3rd July 2018, 1:17 PM | خلیجی خبریں | ان خبروں کو پڑھنا مت بھولئے |

بحرین  3/جولائی    (ایس او نیوز/اطہر پیرزادے) بھٹکل مسلم جماعت بحرین کی عید ملن  تقر یب اس بار  مشہور ڈپلومیٹ ریڈیشن بلو(Diplomat  Radssion  Blu) فائیو اسٹار ہوٹل میں  28/جون 2018ء کو منعقد ہوئی، جس میں بحرین میں مقیم بھٹکل کے تقریبا سبھی ممبران  نے شرکت کرتے ہوئے پروگرام سے خوب لطف اُٹھایا۔

تقریب کا آغاز تقریباً رات 10بجے عزیزم محمد اسعدابن محمدالطاف مصباح کی خوبصورت تلاوت قرآن سے ہوا۔ محمد عاکف ابن محمد الطاف مصباح نے قرآن کاانگریزی ترجمہ پیش کیاجبکہ محمد اطہر پیرزادے نے اردو میں ترجمہ پیش کیا۔ اس کے بعد برادرم محمد سعود ابن خلیل صدیقہ نے حمد سے محفل کو گرمایا۔ جماعت کے جنرل سکریٹری مولوی محمد اظہرالدین آرمار ندوی نے مہمانان و ممبران کا استقبال کرتے ہوئے مہمانان کا  تعارف پیش کیا۔ جناب منور علی انصار پیرزادے نے اپنے دلکش انداز میں نعت کے ذریعہ سامعین کو خوش کیا۔

عید ملن تقریب  کے مہمان خصوصی ندوۃ العلماء کے نائب مہتمم مولانا عبدالعزیز خلیفہ ندوی صاحب تھے جبکہ مولانا شکیل احمد عظمی ندوی (بانی ابن ہیتم   اسکول بحرین)  کو اعزازی مہمان کے طورپر مدعو کیاگیاتھا۔ مولانا شکیل ندوی صاحب نے  ممبران کو اپنے مفید مشوروں سے نوازا۔ مولانا عبدالعزیز خلیفہ ندوی نے بھی خطاب کرتے ہوئے  بالخصوص قرب المنوع ”الممنوعا“ کے صحیح معنی سے روشناس کرایا۔ انہوں نے  الممنوعا کو  سنجیدگی   سے نہ لینے پراس کے خطرات سے آگاہ کیا۔مولانا نے  معاشرہ میں بڑھتی ہوئی غیر ضروری رسموں  اور بچوں میں اپنے بڑوں کے تئیں  اداب و احترام  میں کمی آنے کی طرف توجہ دلاتے ہوئے اس پر اپنی تشویش کااظہار کیا۔ اور بڑی شفقت کے ساتھ عوام کی توجہ اس جانب مبذول کرائی کہ وہ  قوم کے رہنماوں اور ہمدردان ملت کی اہمیت کو سمجھیں  اور ان کی خدمات کو سراہیں۔

پروگرام میں ننے منے بچوں نے اپنی صلاحیتوں کا بہترین مظاہرہ پیش کیا جس میں انفرادی طورپر فاطمہ بنت پرویز قاسمجی، فاطمہ شزا بنت شہنواز اسرمٹا، محمد طلیب ابن محمد طیب پیزادے نے اپنی صلاحیتوں کے جوہر دکھلاتے ہوئے حاضرین کو  خوب محظوظ کرایا۔ بچوں کے ایک گروپ نے نظم مع اشارہ پیش کیا تو دوسرے گروپ نے اپنے ڈرامہ کے ذریعہ سفر میں بلاضرورت زیادہ سامان لیجانے سے پیدا ہونے والی دشواریوں کو پیش کرتے ہوئے سفر کے دوران اپنی ذمہ داریوں کی طرف اشارہ کیا۔ تمام حصہ لینے والوں کو خصوصی انعامات سے نوازاگیا۔ گروپوں میں سب سے اچھی کارکردگی دکھانے والے گروپ کے منتظمین کو بھی تحفہ پیش کرتے ہوئے اُن کی  ہمت افزائی کی گئی۔

بچوں میں دینی ذوق وشوق بڑھانے اور قرآن سے لگاؤ پیدا کرنے کے لیے عید ملن کمیٹی کے کنوینر  محمد الطاف مصباح نے اپنی طرف سے 10سال یا سے کم عمر کے بچوں کو جنہوں نے  رمضان شریف کے پورے روزے رکھے انکو 4گرام سونے کا  سکہ انعام کے طورپر پیش کیا۔ یہ انعام  دوبچوں سمرہ بنت  شعیب افریقہ اور عائشہ بنت محمدالطاف مصباح  نے حاصل کیا۔  اسی طرح 15سال یا اس سے کم عمر کے بچوں کو  جنہوں نے رمضان المبارک کے مہینے میں پورے قرآن شریف کی تلاوت کی ہو انکو بھی 4گرام سونے کا  سکہ پیش کیا ، جسے   حِبا  بنت حبیب  سلامتی اور انشا  بنت حبیب  سلامتی نے حاصل کیا۔ 

 بھٹکل مسلم جماعت بحرین ہر سال تعلیمی ایوارڈ کا اہتمام کرتی آرہی ہے جو کہ ساتویں دسویں اور بارہویں جماعتوں میں امتیازی نمبرات سے کامیاب ہونے والے طلبہ وطالبات کو دیا جاتاہے۔ امسال فاطمہ  بنت رفیع احمددامودی اس ایوارڈ کی حق دار قرار پائی۔جناب عبدالفتح خلیفہ نے کوئز پیش کیا جس سے سامعین نے جوابات دیکر انعامات حاصل کئے  تو دوسری طرف اپنے علم میں بھی  اضافہ کیا۔ جناب محمد اطہر  پیرزادے اور محمد معین خلیفہ نے ایک منٹ پروگرام پیش کیا جس سے تمام حضرات لطف اندوز ہوئے اور جناب سمیر رکن الدین نے پہلا مقام حاصل کیا۔ 

 پروگرام کے دوران دونوں مہمانوں کو مومینٹو پیش کیاگیا۔ پھر ریفل ڈرا (قرعہ اندازی) کے ذریعہ ممبران میں انعامات تقسیم کئے گئے۔ جس میں پہلا انعام محمد صابر محتشم، دوسرا مشتاق ائیکری اور تیسرا انعام رفیع احمددامودی نے حاصل کیا۔ عید ملن تقریب کی  نظامت محمد اطہر پیرزادے نے نہایت  حسن خوبی کے ساتھ ادا کی اور آخر تک پروگرام کو گرمائے رکھا۔ جماعت کے صدر مولوی عبدالرزاق خلیفہ نے صدارت کرتے ہوئے مہمانان اور ممبران کا آخر میں  شکریہ ادا کیا۔مولانا عبدالعزیز خلیفہ ندوی صاحب کی دعا کے ساتھ تقریباً رات 2بجے پروگرام  اختتام کو پہنچا۔

ایک نظر اس پر بھی

ایران میں قید ضلع شمالی کینرا کے ماہی گیروں نے رہائی کی اپیل کے ساتھ جاری کیا نیا ویڈیو؛ اُترکنڑا کے ڈپٹی کمشنر نے جلد رہائی کی دی یقین دہانی

ایرانی سمندری حدود کے خلاف ورزی کرنے کے الزام میں دبئی سے ماہی گیری کے لئے نکلنے والے شمالی کینرا کے جن 18افراد کو ایرانی حفاظتی دستے نے گزشتہ تقریباً ساڑھے تین مہینوں سے ’کشتیوں میں قید‘کررکھا ہے ، انہوں نے ایک نیا ویڈیو جاری کرتے ہوئے مجلس اصلاح وتنظیم، دبئی جماعت ، ضلع ...

 قطر  حلقہ ادب اسلامی کے زیراہتمام ڈاکٹر شاہ رشاد عثمانی کی صدارت میں  نعتیہ اجلاس ومشاعرہ کا انعقاد

بڑی مسرت کی بات ہے کہ حلقہء ادب اسلامی۔قطر نے 8 نومبر 2018م کی شب اپنا سالانہ نعتیہ اجلاس ومشاعرہ  ادار ہ ادب اسلامی ہند کے کل ہند صدر  ڈاکٹر شاہ رشاد عثمانی کی صدارت میں منعقد کیا، موصوف محترم، حلقے کی خصوصی دعوت پر دوحہ قطر تشریف لائے ہوے تھے، اجلاس میں ڈاکٹر رضوان رفیقی فلاحی ...

دوحہ قطر میں ’جدید ادبی تحریکات و نظریات پر ایک نظر‘توسیعی خطبہ کا انعقاد : ڈاکٹر شاہ رشاد عثمانی    کا پرمغز خطاب

جدید ادبی تحریکات و نظریات پر ایک نظر، اس عنوان کے تحت مؤرخہ 10 نومبر 2018م سنیچر کی شام حلقہء ادب اسلامی قطر نے ڈاکٹر شاہ رشاد عثمانی صاحب کی ہندوستان سے آمد کی مناسبت سے استفادہ کرتے ہوئے ایک توسیعی خطبہ کا اہتمام کیا، ڈاکٹر صاحب حلقہ کے سالانہ نعتیہ اجلاس و مشاعرہ کی صدارت کے ...

جیل میں بندہیرا گروپ کی ڈائریکٹر نوہیرانے فوٹو شاپ جعلسازی سے عوام کو دیا دھوکہ۔ گلف نیوز کا انکشاف

دبئی سے شائع ہونے والے کثیر الاشاعت انگریزی اخبار گلف نیوز نے ہیرا گولڈ کی ڈائرکٹر نوہیرا شیخ کی جعلسازی کا بھانڈہ پھوڑتے ہوئے اس بات کا انکشاف کیا ہے کہ    کس طرح اس نے فوٹو شاپ کا استعمال کرتے ہوئے بڑے بڑے ایوارڈ حاصل کرنے اور مشہور ومعروف شخصیات کے ساتھ اسٹیج پر جلوہ افروز ...

سعودی شہزادے کی گیارہ ماہ بعد رہائی

سعودی عرب میں گذشتہ سال بدعنوانی پرکریک ڈاؤن کے عمل کی تنقید کرنے والے سعودی شہزادے خالد بن طلال کو کئی ماہ کی حراست کے بعد رہا کر دیا گیا ہے۔شہزادہ خالد بن طلال کے رشتہ داروں نے سوشل میڈیا پر ان کی تصویر پوسٹ کی ہے جس کے بارے میں یہ خیال ظاہر کیا جا رہا ہے کہ وہ گذشتہ ایک دو روز ...

بھٹکل میں والوو بس کی درخت سے ٹکر؛ ٹہنی گرکر بس کے اندر گھس گئی؛ایک کی موقع پر موت

مینگلور سے مسافروں کو بھر کر بھٹکل بس اسٹائنڈ پر اُتارنے کے بعد والوو بس کو  ڈپو میں لے جانے کے دوران  ساگر روڈ پر  واقع ایک درخت کی ٹہنی سے ٹکراجانے کے نتیجے میں  بس کنڈیکٹر کی موقع پر ہی موت واقع ہوگئی جس کی شناخت پنچیّا مٹاپتی (35) کی حیثیت سے کی گئی ہے۔

بھارت۔ تائیوان ایس ایم ای ترقیاتی فورم تائیپی میں شروع 

vایم ایس ایم ای کے سکریٹری ڈاکٹر ارون کمار پانڈا 13 سے 17 نومبر 2018 تک چلنے والے بھارت 150 تائیوان ایس ایم ای ترقیاتی فورم کے اجلاس میں بھارتی وفد کی قیادت کررہے ہیں۔ فورم میں کل اپنے افتتاحی کلمات میں ڈاکٹر پانڈا نے کہا کہ بھارت میں ایم ایس ایم ای کی پوزیشن کلیدی اہمیت کی حامل ہے

کل جمعہ کو کاروار میں ہوگا جائیداد کی رجسٹریشن اور اسٹامپنگ سہولیات سے لیس کاویری آن لائن خدمات کا افتتاح

رجسٹریشن اینڈ اسٹامپ محکمہ کے عوامی معاون منصوبے ’’کاویری آن لائن خدمات ‘‘ کا 16نومبر بروز جمعہ کو باقاعدگی کے ساتھ افتتاح کئے جانے کا ضلع نگراں کاروزیر اور وزیر برائے تحصیل آر وی دیش پانڈے نے اعلان کیا۔

مالیگاؤں ۲۰۰۸ بم دھماکہ معاملہ ؛ پیر کو سپریم کورٹ میں کرنل پروہیت کی عرضداشت پر سماعت متوقع، جمعیۃ علماء مداخلت کرنے تیار

مالیگاؤں ۲۰۰۸ ء بم دھماکہ معاملے کی کلیدی ملزمہ سادھوی پرگیا سنگھ ٹھاکر و دیگر بھگواء ملزمین کی جانب سے سرکاری گواہوں کی تفصیلات طلب کرنے والی عرضداشت کی آج قومی تفتیشی ایجنسی NIAنے شدید مخالفت کی اور عدالت میں دو صفحات پر مشتمل تحریری جواب داخل کرتے ہوئے کہا کہ گواہوں کے ناموں ...

ٹھیک کہہ رہے ہیں آفریدی، وہ پاکستان نہیں سنبھال پا رہے، کشمیر کیا سنبھالیں گے: آفریدی کی ٹویٹ پر راجناتھ سنگھ نے کیا اپنا ردعمل

کشمیر پر اپنی رائے رکھنے کے بعد سوشل میڈیا پر تیکھی تنقید کا شکار ہو رہے پاکستان کے سابق کرکٹر شاہد آفریدی کے بیان پر اب وزیر داخلہ راجناتھ سنگھ نے اپنا ردعمل ظاہر کیا ہے۔ انہوں نے آفریدی کے بیان پر طنز کستے ہوئے کہا ہے کہ وہ ٹھیک کہہ رہے ہیں، وہ پاکستان نہیں سنبھال پا رہے ہیں تو ...