بھٹکل مسلم جماعت بحرین کا سالانہ جلسہ؛ اجتماعیت پر دیا گیا زور

Source: S.O. News Service | By I.G. Bhatkali | Published on 23rd September 2018, 12:35 AM | خلیجی خبریں |

بحرین 22/ستمبر (ایس او نیوز/محمد اطہرپیرزادے) بھٹکل مسلم جماعت بحرین کا سالانہ جلسہ ۲۰ ستمبر ۲۰۱۸ بروز جمعرات کو بحرین کے حمالہ علاقہ میں واقع ایک وسیع وِلّا میں منعقد کیا گیا۔ جناب عبدالفتّاح خلیفہ نے جلسہ کی نظامت کرتے ہوئے ممبران کا استقبال کیا، مولوی فوّاز سعدا ندوی نے تلاوتِ قرآن پاک سے جلسہ کو پُر رونق بنایا، اس کے بعد عزیزم منوّر علی انصار پیرزادے نے اپنے سریلی آواز میں نعت پیش کرتے ہوئے محفل کو معطر کیا۔ 

جماعت کے سکریٹری اوّل جناب اسحاق پلّور نے سالانہ رپورٹ پیش کیں۔ جس کے بعد جماعت کے محاسب عزیزم محمد مسیّب پٹیل نے مالی رپورٹ (financial report) کو ممبران کے درمیان تقسیم کرتے ہوئے اخراجات کی تفصیل ممبران کے سامنے رکھیں۔ جس کے بعد ممبران کو سالانہ رپورٹ اور مالی رپورٹ کے متعلق سوالات پوچھنے کا اختیار دیا گیا جس کے ذریعہ ممبران نے بہت سارے سوالات پوچھے جس کے اطمینان بخش جوابات دئے گئے۔ 

نائب صدر جناب احمد ضیا محتشم اور سابق جنرل سکریٹری جناب محمد اطہر پیرزادے نے دستور میں کی گئی ترمیمات اور اِضافات کو ممبران کی رائے کے لئے پیش کیا اور اُس پر تفصیلی گفتگو کے بعد تماموں کی اتفاقِ رائے کے ساتھ تمام ترمیمات اور اضافات کو منظوری حاصل ہوئی۔ 

جماعت کے ہمدرد جناب محمد الطاف مصباح و سکریٹری اوّل عزیزم محمد اسحاق پلّور نے اپنے  تاثرات بیان کئے۔ جماعت کے سکریٹری دوم جناب محمد معین خلیفہ نے نوائطی غزل پیش کی جس سے حاضرینِ مجلس لطف اندوز ہوئے۔ نائب صدرِجماعت جناب احمد ضیا محتشم نے اپنی صدارتی تقریر میں خاص کر لوگوں کو اجتماعیت کے فوائد گنواتے ہوئے بھٹکل مسلم جماعت بحرین کی اہمیت پر روشنی ڈالی اور ممبران کو بڑھ چڑھ کر انتظامیہ میں حصہ لینے پر ابھارا۔ عزیزم عبدالفتّاح نے شکریہ کلمات ادا کئے اور  انہی کے دعائیہ کلمات کے ساتھ جلسہ کا اختتام ہوا۔ 

جلسے کے بعد طعام کا انتظام محترم محمد الطاف مصباح صاحب نے کیا۔ تمام ممبران کی تفریح کے لئے تیراکی اور دیگر کھیل کی سہولیات بھی فراہم کی گئی تھی۔

ایک نظر اس پر بھی

خاشقجی کے قتل میں سعودی ولی عہد کے براہِ راست ملوث ہونے کا کوئی ثبوت نہیں: پومپیو

امریکی وزیر خارجہ مائیک پومپیو نے ایک بار پھرباور کرایا ہے کہ سعودی عرب کے ولی عہد شہزادہ محمد بن سلمان کا صحافی جمال خاشقجی کے قتل کے ساتھ براہ راست کوئی تعلق نہیں اور انہیں اس کیس میں ملوث کرنے کا کوئی ٹھوس ثبوت نہیں ملا ہے۔امریکی وزیرخارجہ نے خاشقجی قتل کیس کے حوالے سے سعودی ...

شارجہ میں منکی کمیونٹی کی خوبصورت گیٹ ٹو گیدر تقریب؛ کرناٹک کے وزراء نے کی شرکت؛ منکی میں غریبوں کے لئے چالیس مکانات دینے کا اعلان

منکی کمیونٹی (یو اے ای) کی جانب سےگذشتہ روز شارجہ میں اتحاد و ملن کے نام پر   گیٹ ٹو گیدر کی ایک خوبصورت تقریب منعقد کی گئی جس میں کرناٹک کے وزراء نے بھی شرکت کی اور  منکی کے عوام کی کثیر تعداد ایک پلیٹ فارم پر نظر آنے پر نہایت  خوشی کا اظہار کیا۔ پروگرام میں  بچوں سمیت ...

18بیرونی ممالک میں ملازمت کرنے والوں کویکم جنوری سے لازمی طور پر آن لائن رجسٹریشن کرنا ہوگا

بیرونی ممالک میں ملازمت کرنے والوں کے لئے مرکزی حکومت نے ایک نئی شرط لاگو کردی ہے جس کے مطابق یکم جنوری 2019 ؁ء سے امیگریشن چیک ناٹ ریکوائرڈECNRوالا پاسپورٹ رکھنے والے ملازمین کے لئے لازمی ہوگا کہ وہ اپنا آن لائن رجسٹر کروائیں۔

سابق وزیراعظم دیوے گوڈا کی دبئی آمد پر تہنیتی پروگرام؛ پہلے ملک کے اندرونی مسائل حل کرنے کی طرف توجہ ہونی چاہئے؛ گوڈا نے مودی پر کسا طنز

سابق وزیراعظم  ایچ ڈی دیوے گوڈا کی دبئی آمد کے موقع پر کرناٹکا این آر آئی فورم کی جانب سے دبئی میں گذشتہ روز دیوے گوڈا کے لئے تہنیتی پروگرام کا انعقاد کیا گیا جس میں یہ بات بھی بتائی گئی کہ ریاست کرناٹک سے وزیراعظم منتخب ہونے والے دیوے گوڈا واحد شخص ہیں۔ پروگرام میں شال اوڑھ ...

دمام میں کاسرگوڈ کے ایک شخص کی لاش کی تین سال بعد تدفین

دمام سعودی عربیہ میں تین سال قبل انتقال کرگئے پڑوسی تعلقہ  کاسرگوڈ کیرالہ کے حسینار کنہی (۵۷سال) نامی ایک شخص کی لاش کو تین سال بعد دفنایا گیا۔ بتایا جاتا ہے کہ مرحوم حسینار کنہی کے پاسپورٹ پر درج اس کے  ہندوستانی پتے میں کچھ خامیاں تھیں اور پتہ نامکمل تھا اس لئے سعودی پولیس ...