14 اکتوبر کو ہوگی ممبئی میں بھٹکل مسلم جماعت کی عید ملن تقریب؛ بچوں کے رنگارنگ پروگرام کے ساتھ ممبئی کا ایک معروف فنکار پیش کرے گاتفریحی پروگرام
ممبئی یکم اکتوبر (ایس او نیوز) بھٹکل مسلم جماعت ممبئی کا عیدملن کے نام سے گیٹ ٹوگیدر پروگرام مورخہ 14/ اکتوبر کو منعقد کیا جائے گا جس میں ممبئی کےایک معروف فنکار کے ساتھ ساتھ مقامی شعراء اور بچوں کے ذریعے رنگا رنگ تفریحی پروگرام بھی پیش کئے جائیں گے۔اس بات کی اطلاع عید ملن کمیٹی کے کنوینر امین اکرمی نے دی۔
تقریب کے تعلق سے مزید معلومات فراہم کرتے ہوئے امین اکرمی نے بتایا کہ پروگرام ممبئی کے اوپیرا ہائوس کے قریب واقع ہوٹل ریگل پیلیس میں شام ٹھیک پانچ بجے شروع ہوگا اور رات تک چلے گا۔
پروگرام میں مہمان خصوصی کے طور پر مجلس اصلاح و تنظیم بھٹکل کے صدر جناب مزمل قاضیاء تشریف فرما ہوں گے، جبکہ دو ایک شعراء کو بھی بھٹکل سے مدعو کئے جانے کا امکان ہے، البتہ ممبران کو تفریح فراہم کرنے کے لئے ممبئی کے ایک معروف ٹی وی فنکار کو مدعو کئے جانے کا منصوبہ ہے۔ ساتھ ساتھ تقریب میں بچوں کی جانب سے فینسی ڈریس پروگرام ، بچوں کے مکالمے ، بڑوں اور چھوٹوں کے لئے کوئیز مقابلہ سمیت ایک منٹ شو اور آخر میں ریفل ڈراء کے ذریعے ممبران میں انعامات بھی تقسیم ہوں گے۔
جماعت کی جانب سے پروگرام میں شریک سبھی لوگوں کے لئے بفے کے ذریعے رات کی ضیافت کا شاندار اہتمام کیا گیا ہے۔
امین اکرمی کے مطابق عید ملن کی اس رنگا رنگ تقریب میں ممبئی کے مختلف حصوں میں مقیم قریب 500 بھٹکلی حضرات کی شرکت متو قع ہے۔ مزید تفصیلات کے لئے ان سے موبائل نمبر9755 101 982 91+ یا جماعت کے جنرل سکریٹری قمر موٹیا سے موبائل نمبر: 9820377123 91+ پر رابطہ کیا جاسکتا ہے۔