منگلورو 3؍اکتوبر(ایس او نیوز) تعلیمی میدان میں بہتر کارکردگی دکھانے والے ایس ایس ایل سی، کالج طلبہ کے علاوہ حفاظ کرام کے لئے بھٹکلی مسلم جماعت منگلورو کی طرف سے قائم کردہ ’ایم اے غنی ایوارڈ‘ تفویض کرنے کی تقریب 7اکتوبر کوبوٹ کلب، سلطان بیاٹری، منگلورو میں منعقد ہوگی۔

تقریب کے کنوینر ایس ایم سعود نے بتایا کہ اس تقریب میں خطیب جامع مسجد بھٹکل جناب مولانا عبدالعلیم خطیب ندوی بحیثیت مہمان خصوصی شرکت فرمائیں گے۔میٹرک او ر کالج میں ٹاپ کرنے والے طلبہ او رحفاظ کے لئے تفویض اعزازکی اس تقریب میں فیمیلی گیٹ ٹوگیدر بھی ہوگا اور حاضرین کی دلچسپی کے لئے گیمس ، کوئز اور بچو ں کے دیگر پروگرام بھی منعقد ہونگے۔

بھٹکلی مسلم جماعت منگلورو نے بھٹکل کے ایک نامور لیڈر اور انجمن حامئ مسلمین کے سابق صدر جناب محتشم عبدالغنی کے نام پر طلبہ کو بہتر کارکردگی کے لئے ایوارڈ تفویض کرنے کا سلسلہ گزشتہ سال سے شروع کیا ہے۔ تاکہ جناب ایم اے غنی صاحب کی یادوں کو زندہ و تابندہ رکھا جاسکے۔ یہ ایوارڈسال 2018 کے ایس ایس ایل سی اور پی یو سال دوم میں فائنل امتحان 85فیصد یا اس سے زیادہ مارکس حاصل کرنے والے طلبہ کو دیا جائے گا ۔

بھٹکلی مسلم جماعت منگلورو کی جانب سے جاری کردہ اخباری بیان میں اپنے اراکین سے درخواست کی گئی ہے کہ وہ اپنی فیمیلی کے ساتھ اس تقریب میں شرکت کے لئے داخلہ ٹکٹ مندرجۂ ذیل افراد سے حاصل کریں:

۱۔ امتیاز احمد دامدا 9448437520

۲۔ محمد طلحہ اکرمی 9886063921