بھٹکل مسلم جماعت قطر کی جانب سے منعقدہ عید ملن تقریب میں دلچسپ تفریحی پروگرام
قطر،23؍جون (موصولہ رپورٹ/ایس او نیوز) الحمداللہ سابقہ سالوں کی طرح امسال بھی بھٹکل مسلم جماعت قطر کی طرف سے عید ملن پروگرام عید کے دوسرے دن یعنی 16؍ جون کو یہاں کے معروف ہوٹل پلازہ میں منعقد ہوا۔
پروگرام کا آغاز میں ہی ممبران کے لئے رات کی ضیافت کا شاندار اہتمام کیا گیا تھا ، جسکے فوری بعد احمد شاکر ماوڑ کی تلاوت کلام پاک مع ترجمہ سے پروگرام کا آغاز ہوا۔ عبدالصمد بن عبدالرئوف ائیکری نے نعت پاک سناتے ہوئے لوگوں کو محظوظ کیا پھر صلاح الدین شاہ بندی نے جماعت کی کارکردگی رپورٹ پیش کرتے ہوئے پروگرام کی غرض و غایت پر روشنی ڈالی ۔
جماعت کے سکریٹری محمد زُبیر خلیفہ نے استقبالیہ کلمات پیش کیا ۔ جماعت کے سرگرم رکن شمس الضحیٰ آرمار اور ساتھیوں نے کوئز پیش کرتے ہوئے لوگوں کا دل جیتا۔ ولت کٹنگری نے ایک نوائطی نظم سنائی، مولانا عبدالعظیم رکن الدین نے عید کا پیغام کے نام پر ایک مئوثر خطاب کرتے ہوئے عید الفطر کی ا ہمیت اور فضیلت سے ممبران کو آگاہ کرایا۔
پروگرام کی نظامت مولانا ایمن آرمار نے کی ۔پھر وقفہ وقفہ سے دو تین مرتبہ ون منٹ شو کے نام سے بڑوں اور بچوں نے فن ٹائم پیش کیا ، اخیر میں صدر جماعت مولانا یحیٰ برماور نے خطبہ صدارت پیش کرنے کے کلمہ تشکر بھی پیش کیا۔
ابراہیم خلیل سدی احمدا نے ریفل ڈرا کی ذمہ داری سنبھالی اور ممبران کو انعامات تقسیم کئے ۔ تقریباً بیس قیمتی انعامات تھے۔ اول انعام ایکٹیو (125 سی سی ) کا قرعہ محمد میراں شرالی کے نام نکلا ۔ دوسرا انعام سونےکا چین عبدالباقی مصبا اور تیسرا انعام بیس ہزار انڈین روپیہ ابوالبرکات پیشمام کو حاصل ہوا۔ اسکے علاوہ کئی دیگر انعامات میں سونے کی گنیا ں ، موبائل اور گھڑی وغیرہ بھی قرعہ اندازی کے ذریعے ممبران میں تقسیم کئے گئے۔ آخر میں ہر فیملی کے بچوں کو خصوصی گفٹ سے نوازا گیا۔ دعائیہ کلمات کے ساتھ پروگرام اختتام کو پہو نچا۔
