بھٹکل:29؍جنوری (ایس او نیوز)مرڈیشور بینا وئیدیا اسکول کے  سالانہ جلسہ کا ادارے کے صدر سابق رکن اسمبلی منکال وئیدیا نے افتتاح کیا۔

افتتاح کے بعد خطاب کرتے ہوئے کہاکہ ادارے کی طرف سے معیاری تعلیم دی جارہی ہے  آگے بھی اس کو جاری رکھنےکی کوشش جاری ہے۔ خاص کر یہاں اس بات کی نگرانی کی جاتی ہے کہ ادارے میں  زیر تعلیم طلبا کو کوئی تکلیف  نہ ہو۔ آج ادارہ ترقی کی طرف گامزن ہے تو اس کے لئے طلبا کے والدین اور سرپرستوں کا تعاون اہم ہونے کی بات کہی۔

مہمان خصوصی کی حیثیت سے بھٹکل اسسٹنٹ کمشنر ساجد ملا نے خطاب کرتے ہوئے کہاکہ ایک  ادارے کی طرف سے طلبا کو اتنے ساری سہولیات فراہم کرنا قابل ستائش ہے ، بڑی مسرت ہوئی کہ یہاں بہترین تعلیم دی جارہی ہے۔ بھٹکل بلاک ایجوکیشن آفیسر ایم آر منجی نے بھی اپنے خیالات کااظہار کیا۔ پرنسپال پورنیما ہیبار نے سالانہ رپورٹ کی خواندگی کی۔ کالج پرنسپال پرساد مہالے نے استقبال کیا تو وشوناتھ آچاریہ نے نظامت کی۔