بھٹکل 21/ستمبر (ایس او نیوز)  14 ستمبر کو بھٹکل میونسپالٹی عمارت پر ہوئے پتھرائو اور پولس عملے پر حملے کے بعد پولس نے اب تک جن 15 لوگوں کو گرفتار کیا تھا، اُس میں سے 11 لوگوں کی ضمانت آج جمعرات کو بھٹکل جوڈیشیل میجسٹریٹ فرسٹ کلاس عدالت نے  منظوری دے دی ہے۔

تمام ملزموں کی پیروی  ایڈوکیٹ راجیش نائک  کررہے ہیں، جو اس موقع پر حاضر تھے۔ 

 بتایا گیا ہے کہ عدالت نے گوند نائک اور کرشنا نائک کی ضمانت کو رد کردیا، جبکہ آج مزید دو لوگوں شنکر نائک اور دیویندرا نائک کی گرفتاریاں عمل میں آئی ہیں، جن کی بھی ضمانت ہونی اب باقی ہے۔

مہلوک رام چندرا نائک کے خاندان کو امداد: 

میونسپالٹی دکانوں کی تحویلی کے خلاف اپنی جان کی قربانی  دینے والے رام چندرا نائک  کے گھروالوں کو آج نامدھاری ترقی سنگھا کی طرف سے 25 ہزار روپیہ کی امداد دی گئی اور گھروالوں کے ساتھ تعزیت کی گئی۔ اس موقع پر نامدھاری سنگھا کے صدر ایم آر نائک نے گھروالوں سے کہا کہ ان کا سنگھا ان کے گھروالوں کے اس دکھ کی گھڑی میں برابر کا شریک ہے انہوں نے کہا کہ پورا نامدھاری سماج ان کے ساتھ ہے۔ اعزازی صدر ڈی بی نائک، نائب صدر موہن نائک، جنرل سکریٹری راجیش نائک، جے این نائک، ملا نائک، ایم آر نائک سمیت کافی دیگر ذمہ داران موجود تھے۔