بھٹکل:19/جون (ایس اؤنیوز)تعلقہ کے منڈلی ، موگیرکیری آنگن واڑی میں یوم ِبچوں کی دیکھ ریکھ ، ذوق و شوق اور تعلیم (ای سی سی ای)اور مقوی غذا اوربہتر صحت جانکاری کیمپ کا پیر کو انعقاد ہوا۔

تعلقہ صحت عامہ کی تعلیمی افسر رجنی دیسائی نے اس موقع پر خطاب کرتے ہوئے کہاکہ پینے کا پانی، انجکشن ، حاملہ اور زچہ کو ملنے والی سرکاری سہولیات کی تفصیلی جانکاری دی۔ محکمہ خواتین اور اطفال کی نگراں کار سوشیلا موگیر نے سرکاری اسکیم ماترا پورنا، ماترتوامنصوبہ جات پر روشنی ڈالی۔ آنگن واڑی کارکن ہیما دیواڑیگا نے استقبال کرتے ہوئے نظامت کی۔ دیگر کارکنان ، کمیٹی کےصدر،ممبران اور بچے اس موقع پر موجود تھے۔