بھٹکل: موگیر طبقہ کے ساتھ ہورہی ناانصافی کی مذمت میں موگیر سماج کی جانب سے 13اگست کو پرا من احتجاج کا اعلان
بھٹکل 6/ اگست (ایس اؤ نیوز) گذشتہ ایک دہے سے موگیر طبقہ کو پسماندہ ذات کے تحت جوسہولیات ملنی تھیں اس پر روک لگائی گئی ہے۔متعلقہ معاملے کی مذمت میں موگیر طبقہ کی طرف سے 13اگست کو بھٹکل میں بڑے پیمانے پر احتجاج کئےجانےکا موگیر سماج سنگھا کے صدر کے ایم کرکی نے اعلان کیا۔
پیر کی شام پرائیویٹ ہوٹل میں منعقدہ پریس کانفرنس میں احتجاج کی تفصیلات دیتے ہوئے کرکی نے کہاکہ موگیر سماج کو پسماندہ ذات کی سرٹیفکٹ دئیے جانے کے متعلق سپریم کورٹ نے ہائی کورٹ فیصلے کی سنوائی کرتے ہوئے صحیح ٹھہرا یا تھا۔ قومی پسماندہ ذات کمیشن کے فیصلے پر زور دیتے ہوئے کرناٹکا سرکارکی عرضی کو ردکیا تھا۔ فیصلے کو نافذ کرنےمیں محکمہ سماجی فلاح وبہبودی کے جنرل سکریٹری اور ڈپٹی کمشنر پس و پیش کررہے ہیں۔ جس کے نتیجےمیں موگیر طبقہ کے لوگوں کو روزگار سمیت دیگر معاملات میں کافی مشکلات پیش آرہی ہے۔ اس کے علاوہ انہوں نے تفصیل کے ساتھ پسماندہ ذات کی سند کو لے کر عدالتی بحث اور دیگر کمیشنوں میں جاری بحث کو پیش کیا۔
موگیر طبقہ کے ساتھ کی جارہی ناانصافی کے خلاف اس کی کڑی مذمت کرتے ہوئے انہوں نے اعلان کیا کہ 13اگست کو پر امن احتجاج منانے کافیصلہ کیا گیا ہے۔ احتجاج میں 5000لوگ اپنے کام کاج چھوڑ کر احتجاج میں شریک ہونگے ۔ تعلقہ کے وینکٹاپور شری نواس سبھا گرہہ سے ریلی نکالی جائے گی اور تحصیلدار دفترپہنچ کر میمورنڈم دیاجائے گا۔ شری لکشمی سرسوتی سہکاری سنگھا کے صدر بھاسکر موگیر، پنڈلک ہیبلے ، انپا موگیر وغیرہ موجود تھے۔