مودی جی کی خاموشی سے خوف کا ماحول پیدا ہورہاہے : بھٹکل میں بی کے ہری پرساد کا بیان

Source: S.O. News Service | By Abu Aisha | Published on 24th September 2017, 8:14 PM | ساحلی خبریں |

بھٹکل:24/ستمبر (ایس اؤنیوز) ملک کے وزیر اعظم کی  ذمہ داری ہوتی ہے کہ وہ فساد، ہنگامہ خیزی ، عدم تحفظ کی مذمت کرے ، ان کی خاموشی سے ہی ان کے حمایتی کرناٹکا کے ساحلی پٹی پر فساد برپا کررہے ہیں، جس سے خوف اور عدم تحفظ کا ماحول پیدا ہورہا ہے۔ ان باتوں کا الزام راجیہ سبھا کے رکن بی کے ہری پرساد نے  لگایا۔

وہ یہاں اتوار کو بھٹکل میں ایک نجی پروگرام میں شرکت کرنے کے بعد اخبارنویسوں کے سوالوں کے جوابات دے رہے تھے ۔ انہوں نے بتایا کہ ہر ایک پر سماجی ذمہ داری عائد ہوتی ہے  مگر کچھ لوگ اس کو نظر انداز کرکے فسادات  برپاکرنے اس کو ہوادینے کی کوشش کررہے ہیں، ان حالات کو لےکر ریاستی حکومت چوکنا اور بیدار ہے  اور اپنی طرف سے کٹھن کارروائی کررہی ہے۔

ہری پرساد نے بتایا کہ گذشتہ انتخابات کے موقع پر بی جے پی اور سنگھ پریوار کے کارکنوں نے نام دنہا د اخلاقی پولس کا کردار ادا کرتے ہوئے فساد برپا کرنے اور ووٹ حاصل کرنے کی کوشش کی تھی، مگر عوام نے اُن کی کوشش کو ناکام بنادیا۔ اب اس بار پھر ایک بار بی جے پی ساحلی پٹی پر کسی نہ کسی بہانے فساد برپا کرنے کی کوشش کرکے عوام کو بانٹ کر انتخابات میں جیت حاصل کرنے کی کوشش کررہی ہے، لیکن اس بار بھی اُنہیں کامیابی نہیں ملے گی۔ ہری پرساد نے کہاکہ اب عوام کو سب کچھ واضح طورپر سمجھ میں آرہاہے کہ کون کیا کررہا ہے اور فساد برپا کرانے کے پیچھے کیا مقاصد ہیں، ان تمام وجوہات کو ذہن میں رکھ کر ہی عوام آئندہ انتخابات میں بھی  کانگریس کو منتخب کریں گے۔

آئندہ لوک سبھا انتخابات کے دوران اترکینرا پارلیمانی حلقہ سے انتخابات لڑنے کی خواہش پر پوچھے گئے سوال پر انہوں نے کہاکہ کون کس حلقے سے انتخابات لڑے گا، اس کا فیصلہ ہائی کمان کرتی ہے ، پارٹی چاہتی ہے تو ہی وہ انتخابی میدان میں قسمت آزمائی کرسکتے ہیں۔

ایک نظر اس پر بھی

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...

بھٹکل میں انجلی نمبالکر نے کہا؛ آنے والےانتخابات بی جے پی اور کانگریس کے درمیان نہیں ، امیروں اور غریبوں کے درمیان اور انصاف اور ناانصافی کے درمیان مقابلہ

  آنے والے لوک سبھا انتخابات میں اصل مقابلہ  بی جے پی اور کانگریس کے درمیان  نہیں ہوگا بلکہ  اڈانی اور امبانی جیسے  سرمایہ داروں  کو تعاون فراہم کرنے والوں اور غریبوں کو انصاف دلانے والوں کے درمیان ہوگا، صاف صاف کہیں تو یہ سرمایہ داروں اور غریبوں کے درمیان  مقابلہ ہے۔ یہ بات ...