بھٹکل:30/اپریل(ایس اؤنیوز) دونوں پیروں سے پیدائشی طور پر اپاہج شرالی کی ایک نوجوان لڑکی جو کالج سے ڈگری یافتہ ہیں، چلنے پھرنے سے معذور اور علاج کرنے سے بھی مجبور تھی، مگر بھٹکل کے رکن اسمبلی منکال وئیدیا سے مدد طلب کرتے ہی منکال نے نہ صرف وزیراعلیٰ فنڈ، بلکہ خود کی جیب سے بھی رقم فراہم کیا اورمصنوعی پیر جوڑنے کے لئے آگے آگئے۔ ان کے اس کام کی بھٹکل کے عوام ستائش کررہے ہیں۔
شرالی کی سماریہ بنت محمد یوسف دوسروں کی طرح بھاگ دوڑ کرنا چاہتی تھی، جس طرح محنت اور لگن کے ساتھ تعلیم حاصل کرتے ہوئے اچھے نمبرات لے کر ڈگری مکمل کیا، اسی طرح چاہتی تھی کہ دوسروں سے سہارا لینے کے بجائے خود اپنے پیروں پر کھڑی ہونا چاہئے۔ اس تعلق سے اس ہونہار طالبہ نے جانکاری لینی شروع کی تو پتہ چلا کہ مصنوعی پیروں سے کھڑا ہونا اور چلنا پھرنا ممکن ہے تو اس نے اپنے والدین کے ذریعے بھٹکل کے رکن اسمبلی منکال وئیدیا سے رابطہ کیا ، بتایاگیا ہے کہ مصنوعی پیروں کے لئے قریب ساڑھے چارلاکھ روپیوں کا خرچہ ہے۔ منکال وئیدیا نے جب دیکھا کہ لڑکی کچھ کرنا چاہتی ہے ، مگر پیروں سے معذور ہے، تو انہوں نے اپنی طرف سے ہر ممکن تعائون کا یقین دلایا ، پھر فوری اقدام کرتے ہوئے اس لڑکی کے لئے وزیراعلیٰ فنڈ سے دو لاکھ روپیہ دلوایا، پھر اپنی جیب سے پچاس ہزار کی رقم بھی دی، بعد میں انہوں نے اُن بینکوں سے دس دس ہزار روپئے دلوائے، جس کے وہ خود صدر ہیں، یعنی کے ڈی سی سی بینک سے 10ہزارروپئے اور جنتابینک سے 10ہزارروپئے۔اس طرح اب جملہ 2لاکھ 70ہزارروپیوں کا انہوں نے تعائون کیا ہے۔ مگر اپنے پیروں پر کھڑی ہونے کے لئے اس لڑکی کو مزید مدد کی ضرورت ہے۔ صاحب خیر حضرات اگر توجہ دیں تو اس کی مدد ہوسکتی ہے۔