بھٹکل :میں ہتک آمیز جذبات نہیں رکھتا : پنچایت ممبر کی الزام تراشی کا رکن اسمبلی نے دیا جواب
بھٹکل:13؍نومبر (ایس او نیوز)ہوناور تعلقہ کیلگی نور پنچایت موگلی ائییپا مندر کونکال باہر کرنےکے معاملے میں تعلقہ پنچایت ممبر گنپیا گوڈا کی طرف سےلگائے گئے الزامات کا بھٹکل رکن اسمبلی سنیل نائک نے تحریری دیتے ہوئے کہا ہےکہ میں ایک شریف خاندان سے تعلق رکھتاہوں اور میری پرورش انہی کے درمیان ہوئی ہے۔ غلط راستوں سے شہرت کی لالچ مجھے ضرورت نہیں ہونےکی بات کہی ہے۔
اپنی تحریری وضاحت میں رکن اسمبلی نےکہاہےکہ ایک پنچایت ممبر کی ہتک کرکے مجھے سیاسی سطح پر ترقی پانے کی ضڑورت نہیں ہے ،میرے ایسے نیچ جذبات بھی نہیں ہیں۔ بڑوں اور چھوٹوں کے ساتھ یکساں عزت سے پیش آتاہوں۔ دراصل گنپیا گوڈانے سابق رکن اسمبلی کی چاہت میں مجھ پر ایسا الزام لگایا ہے۔ پلٹ وار کرتے ہوئے رکن اسمبلی نےکہا ہے کہ سیاسی قحط کا شکار ہوئے گنپیا گوڈا بہتی گنگا میں ہاتھ دھورہے ہیں۔ میرے پاس فالتو وقت نہیں ہے، کہنا ہے کہ کسی پر الزام تراشی سے پہلے سچائی کو جان کر بات کریں ۔ کسی کو خوش کرنےکے لئے الزام تراشی بزرگوں کے لئے بہتر نہیں ہونے کی بات پریس ریلیز میں کہی ہے۔