بھٹکل رکن اسمبلی سنیل نائک کریں گے اپنے سیاسی گرو کی تقلید؛ نہیں ہوں گے ٹیپو جینتی تقریب میں شریک
بھٹکل:7؍نومبر (ایس او نیوز) بھٹکل کے رکن اسمبلی سنیل نائک نے اپنے سیاسی گرو اور ضلع کے رکن پارلیمان اننت کمار ہیگڈے کی تقلید کرتے ہوئے ٹیپو سلطان جینتی کے دعوت نامہ میں اپنا نام درج نہ کرنے کی ہدایت دی ہے۔
اپنے سکریٹری کریپا نائک کے توسط سے بھٹکل تحصیلدار اور ضلع ڈپٹی کمشنر کو خط ارسال کرتے ہوئے بتایا ہے کہ اُن کا نام دعوت نامے میں درج نہ کریں۔
اس تعلق سے پریس ریلیز جاری کرتے ہوئے سنیل نائک نے بتایا ہے کہ مرکزی وزیر اننت کمار ہیگڈے میرے سیاسی گرو ہیں ، ان کے قومی نظریہ اور ہندوتوا کی حمایت کرتے ہوئے میں نے ضلع اور تعلقہ سطح پر منائی جانے والی ٹیپو جینتی میں شامل نہ ہونے کا فیصلہ کیا ہے۔