بھٹکل:28؍نومبر (ایس او نیوز)پسماندہ طبقات فلاح وبہبودی محکمہ اور کریا ہیلتھ کئیر پرائیویٹ لمیٹیڈ کے اشتراک سے بھٹکل تعلقہ عوام کی سہولت کے لئے موبائیل میڈیکل ایمبولنس  کا رکن اسمبلی سنیل نائک نے افتتاح کیا۔

اس موقع پر خطاب کرتے ہوئے ایمبولنس ڈاکٹر ندھا شرمین نے بتایا کہ  موبائیل میڈیکل سواری پر  ایک ڈاکٹر ، ایک اے این ایم اور دو معاونین موجود رہیں گے۔ موبائیل سواری میں میڈیکل جانچ لیباریٹری کے ساتھ ساتھ سانپ،کتا کاٹنے  پر دی جانے والی دوائیاں بھی دستیاب رہیں گی۔مزید بتایا کہ ریاست میں 8اور اترکنڑا ضلع میں 2مقامات پر ایسی موبائیل میڈیکل سواریاں خدمات انجام دے رہی  ہیں۔ انہوں نے دیہی علاقوں کے عوام سے خاطرخواہ استفادہ کرنے کی اپیل کی۔ موبائیل میڈیکل سواری کے ضلع مینجر لوکیش نائک،راجیش نائک، سبرائے نائک، کھیدار کولے وغیرہ موجود تھے۔

بھٹکل کے عوام بالخصوص دور دراز علاقوں کے عوام میڈیکل سہولت پانے کے لئے  اس ایمبولنس  سروس سے استفادہ کرسکتے ہیں۔