بھٹکل میں کل تشریف لائیں گے کرناٹک کے وزیرا علیٰ سدرامیا ؛ اجلاس کی تیاریاں آخری مراحل میں؛ ڈی سی اور دیگر اعلیٰ حکام نے لیا جائزہ

Source: S.O. News Service | By Abu Aisha | Published on 5th December 2017, 7:47 PM | ساحلی خبریں |

بھٹکل:5/ دسمبر(ایس اؤنیوز) 6دسمبر کو ریاستی وزیر اعلیٰ سدرامیا کی آمد کو دیکھتے ہوئے پولس پریڈ میدان میں منعقد ہونے والےمختلف ترقیاتی  کاموں کے سنگ بنیاد اور افتتاحی پروگرام کو کامیاب بنانے کے لئے تیاریاں آخری مراحل میں ہیں۔

سرکاری افسران کے تعاون سے کانگریس پارٹی کے کارکنان اجلاس کی تیاریوں میں لگے ہوئے ہیں اور لیڈران تمام کاموں کی   نگرانی میں جٹے ہوئے ہیں ۔ وزیراعلیٰ کا پرتپاک استقبا ل کرنے کےلئے کانگریسی لیڈران اور کارکنان تیا ر کھڑے ہیں۔ موصولہ اطلاع کے مطابق قریب  20 ہزار لوگوں کوپروگرام  میں شریک ہونے کے لئے کرسیوں کا انتظام کیا گیا ہے۔ پروگرام میں شریک ہونے والوں کے لئے کھانے پینے کے انتظامات  بھی کئے گئے ہیں۔

اترکنڑا ڈپٹی کمشنر ایس ایس نکول  نے آج منگل شام کو مختلف محکمہ جات کے افسران کے ساتھ بھٹکل ساگر روڈ پر پہنچ کر  جائے وقوع کا جائزہ لیا اور ضروری معلومات حاصل کرتے ہوئے سرکاری آفسران کو ضروری ہدایات دیں۔ رکن اسمبلی منکال وئیدیا ، پارٹی لیڈران اور کارکنان کے ساتھ گذشتہ دو تین دنوں سے وہیں پرٹھکانہ ڈالے ہوئے پروگرام کو کامیاب بنانے کے لئے کوشاں ہیں۔ شرپسندوں کو کسی بھی طرح کی شرارت کا موقع نہ دینے کے لئے تعلقہ بھر میں سخت پولس سکیورٹی تعینات کی گئی ہے۔ الگ الگ مقامات سے 500سے زائد پولس فورس کو حفاظتی  انتظامات پر لگایا گیا ہے۔

بدھ کو ہونےو الے وزیرا علیٰ کے پروگرام پر اوکھی طوفان کے خطرات بھی منڈلاتے نظر آرہے ہیں ۔ تیاریاں تقریبا مکمل ہوگئی ہیں۔ لیکن  منگل شام کو اچانک تیز ہوائیں چلنے اور ہلکی ہلکی بارش ہونے کی وجہ سے موسم میں تبدیلی دیکھی جارہی ہے جس سے  منتظمیں فکرمند ہوگئے ہیں ،پولس پریڈ میدان شامیانے سے بھر گیا ہے، منتظمین کو فکر کھائے جارہی ہے کہ  اگر عین پروگرام کے دوران  بارش ہوئی یا ہوا چلی تو کیا ہوگا۔ وہیں پر توقع بھی  کی جارہی ہے کہ ہ بدھ کی صبح تک ماحول ٹھیک ہوجائے گا اور وزیرا علیٰ کا پروگرام بغیر کسی رکاوٹ کے شاندار طریقے پر کامیاب ہوگا۔

تیاریوں کا جائزہ لینے شہر کے عوام بھی ساگر روڈ پر واقع پولس پریڈ گرائونڈ پہنچ  رہے ہیں اور کانگریس لیڈروں اور کارکنوں کے ساتھ کھڑے ہوکر سلفی وغیرہ بھی کھینچ رہے ہیں۔

خیال رہے کہ  کل بدھ صبح ٹھیک 10:20 بجے سدارامیا کا ہیلی کاپٹر انجمن کالج گرائونڈ پر اُترے گا، اُدھر سے وہ سیدھے ساگر روڈ پر واقع پولس پریڈ گرائونڈ پہنچیں گے ، اُدھر وہ  مختلف پروگرام کا سنگ بنیاد رکھیں گے، ساتھ ساتھ وہ کئی مکمل شدہ کاموں کا افتتاح بھی کریں گے۔ یہی پر وہ عوام الناس سے خطاب کریں گے۔ دوپہر دو بجے کھانے  کے بعد وہ کمٹہ کے لئے روانہ ہوں گے۔ کمٹہ میں عوامی اجلاس سے خطاب کے بعد وہ کاروار پہنچیں گے۔ اگلے روز اُن کا سرسی میں دورہ ہوگا۔

 

ایک نظر اس پر بھی

کاروار میں مسلسل بارش کے نتیجےمیں ماہی گیری ٹھپ : ماہی گیر بری طرح متاثر

ہرسال اگست کے مہینےمیں ماہی گیر سمندر میں مچھلی شکار کے لئے نکلتےہیں، لیکن امسال اگست کے دوسرے ہفتےسے جاری طوفانی ہواؤں کے ساتھ موسلا دھار بارش  نےجہاں رہائشی علاقوں ، زراعت وغیرہ کو متاثر کیا ہے وہیں ماہی گیر پر بھی اس کے کافی اثرات نظر آرہے ہیں۔ دوتین کی بارش کو دیکھتے ہوئے ...

اترکنڑا ضلع میں مسلسل بارش : ضلع کے سرسی ، سداپور اور یلاپور زیادہ متاثر ،کئی گھروں کو نقصان

ضلع بھر میں گذشتہ دو تین دنوں سےجاری طوفانی ہواؤں اور موسلا دھار بارش  سے ضلع کے کئی مقامات متاثر ہوئے ہیں۔ موصولہ اطلاع کے مطابق سرسی،سداپور اور یلاپور میں زیادہ نقصانات ہوئے ہیں مزید دو تین دن بارش جاری رہنے کے پیش نظر پیشگی اقدامات کئے گئے ہیں۔ اور پرائمری اور ہائی اسکولس ...

مرڈیشور کلسٹر لیول پرتیبھا کارنجی مقابلہ جات میں نیو شمس اسکول کے طلبا کا بہترین مظاہرہ

محکمہ تعلیمات عامہ کاروار، بی ای اؤ دفتر بھٹکل کے اشتراک سے ہیبلے پنچایت حدود کی بی بی منٹسری اسکول میں مرڈیشور نیشنل کالونی کلسٹر لیول اردو پرائمری اسکول پرتیبھا کارنجی مقابلہ جات میں تربیت ایجوکیشن سوسائٹی کے نیو شمس اسکول کے طلبا نے بہتر ین کارکردگی کا مظاہرہ پیش کیا ہے۔

بھٹکل کےقریب آننت واڑی میں دل کو دہلادینے والا حادثہ؛ ٹمپو سے ٹکر لگتے ہی بائک دھماکے کے ساتھ پھٹ پڑی؛ تین کی موقع پر موت

یہاں سے قریب 30 کلو میٹر دور آننت واڑی نیشنل ہائی وے  پر ہوئے ایک دل کو دہلا دینے والے سڑک حادثے میں تین لوگوں کی اُس وقت موت واقع ہوگئی جب ان کی بائک ایک ٹمپو سے ٹکراتے ہی دھماکے کے ساتھ پھٹ پڑی۔ حادثہ ہوناور تعلقہ کے منکی پولس تھانہ حدود میں منگل شام قریب چار بجے پیش آیا۔

ساحلی علاقوں میں زبردست بارش جاری؛ یلاپور میں چٹان کھسک گئی؛ چار گھنٹوں تک نیشنل ہائی وے بند؛ بس پر گرتے گرتے بچی چٹان

ساحلی علاقوں میں بھاری بارش کا سلسلہ جاری ہے اور پوری رات ان علاقوں میں زبردست بارش ہوئی ہے۔ آج صبح ویسے کچھ دیر کے لئے بارش رُکتے رُکتے گررہی ہے، مگر اسمان مکمل طور پر ابرآلود ہے۔