بھٹکل:15/ مارچ (ایس اؤنیوز)جنگلوں میں بسیرا کرتے ہوئے شہر ی تعلقات سے دور رہنے والے ہاڈولی گرام پنچایت حدود کے ہینجلے مضاف کے کمری مراٹھیوں کے لئے جمعرات تہوار کا دن ثابت ہوا۔مضاف کے مکینوں کو پچھلے کئی دہوں سے شہرسےعلاحیدگی کا درد ستا رہا تھا جمعرات کو رکن اسمبلی منکال وئیدیا نے برج کا افتتاح کرتے ہوئے ان کی پریشانیوں کو دور کردیا۔
اس موقع پر منعقدہ تقریب میں خطاب کرتے ہوئے رکن اسمبلی منکا ل وئیدیا نے کہاکہ گذشتہ 2دہے قبل سابق رکن اسمبلی ڈاکٹر یو چترنجن نے یہاں برج تعمیر کرنے کا خواب دیکھا تھا جو آج پورا ہواہے۔ اسی مناسبت سے برج کو ’’ڈاکٹر یو چترنجن برج ‘‘کے نام سے موسوم کیاگیا ہے۔
اپنے خطاب میں منکال وئیدیا نے کہا کہ میں نے یہاں کے ووٹرس کو دیکھ کر برج کی تعمیر نہیں کرائی ہے بلکہ آپ لوگوں کی پریشانیوں کو دور کرنے کے لئے یہ بریج تعمیر کی ہے۔ انہوں نے کہا کہ پڑوس کے بڑے باگ میں بھی برج کی تعمیر کاکام جاری ہے۔ انہوں نے کہا کہ وہ آبادی کے مطابق ترقیاتی کام کرنے کے بجائے عوامی ضروریات کو سامنے رکھتے ہوئے کام کرتے ہیں۔
اس موقع پر ضلع پنچایت ممبر البرٹ ڈیکوستھا، وسنت کھاروی اور سومیاگونڈا نے بھی اپنے اپنے خیالات کااظہار کیا۔ ضلع پنچایت صدر جئے شری موگیر، تعلقہ پنچایت صدر ایشور نائک، نائب صدر رادھا اشوک وئیدیا، ضلع پنچایت ممبر سندھو بھاسکر نائک، میناکشی نائک، جئے لکشمی گونڈا وغیرہ موجود تھے۔ ہاڈولی گرام پنچایت صدر شری دھر شٹی نے پروگرام کی صدارت کی۔ ممبر ستیش مراٹھی نے استقبال کرتے ہوئے افتتاحی کلمات کے بعد آخر میں شکریہ اداکیا۔