بھٹکل:23/اپریل (ایس او نیوز)ریاست کے مختلف مقامات پر وزراء اور ارکان اسمبلی کی جائیداد میں دوگنا ، تگنا اضافہ ہواہے تو بھٹکل کے رکن اسمبلی منکا ل وئیدیا کی جائیداد میں  57،85,410 روپئے کا اضافہ ہوا ہے۔

الیکشن آفسر کو داخل کی گئی اپنی افیڈیویٹ میں رکن اسمبلی وئیدیا نے  واضح کیا ہے کہ وہ 6،28،17،927 روپئے کی منقولہ جائیدا د کے مالک ہیں انہوں نے یہ بھی لکھا ہے ان کے  پاس موجود ایک گرام  سونے میں200گرام سونے کا اضافہ ہواہے۔ ان کے پاس 3ایکڑ 21گنٹہ زرعی زمین ہے ، جس کا مارکٹ  دام 38،57،662روپئے ہے۔ جب کہ 5ایکڑ 25گنٹہ غیر زرعی زمین ہے جس کی مارکیٹ میں قیمت 19،10،000روپئے ہے۔ 5،51،33،287روپئے تعمیراتی کاموں وغیرہ میں انہوں نے سرمایہ کاری کی ہے۔ اس کے ساتھ ساتھ رکن اسمبلی نے اپنے معاملات کے لئے مختلف بینکوں سے 2،43،65،249روپئے قرضہ بھی لیا ہے۔

بی جے پی امیدوار سنیل نائک بھی کروڑوں جائیداد کے مالک ہیں، فی الحال ان کے پاس 2لاکھ روپئے نقد ہے۔ 87،00،684روپئے کی منقولہ جائیدادہے ، ان کی بیوی اکشھیما کے نام پر ایک ایکڑ 21گنٹہ سے زائد زرعی زمین ہے ۔ سنیل نائک کے پاس غیر زرعی زمین ، تعمیراتی عمارتیں سمیت کل 7،25،00،000کی ملکیت ہے ۔ اس کے ساتھ سنیل نائک کے قرضے کی شرح بھی بہت زیادہ ہے۔ انہوں نے بھٹکل اربن بینک سے 5کروڑ روپئے ، سنڈیکیٹ بینک سے 20250433روپئے اور بی اے آر ڈی سی بینک سے 5لاکھ روپئے کا قرضہ لیا ہے۔