بھٹکل:شمشان میں جمع کردہ کچرے اور مٹی کو فوری ہٹانے کا مطالبہ :بصورت دیگر مٹی اور کچرے کو بلدیہ کے سامنے پھینکنے کی دھمکی
بھٹکل:17/جون (ایس اؤنیوز)بارش کے موسم سے پہلے بلدیہ کی طرف سے شہری سطح پر نالیوں سے نکالی گئی مٹی اور دیگر جگہوں سے نکاسی کئے گئے کچرے کو متعینہ مقام پر ذخیرہ اندوزی کرنے کے بجائے منکولی کے شمشان میں لا کر پھینکا جارہا ہے۔ بلدیہ کی لاپرواہی پر سخت برہم منکولی کے نوجوانوں نے مطالبہ کیا ہے کہ شمشان میں جمع کئے گئے کچرے اور مٹی کو فورا! وہاں سے ہٹایا جائے۔ نوجوانوں نے بتایا کہ منکولی شمشان میں مقامی نوجوان ہرسال صفائی کرتے ہوئے اطراف کے ماحول کو پاکیزہ رکھتے ہیں اور کہیں بھی گندگی ہونے نہیں دیتے۔ ان حالات میں بلدیہ کی طرف سے مٹی اور کچرے کو لاکر شمشان میں جمع کرنے سے اطراف کا ماحول بدبو سے متلا رہاہے۔
انہوں نے بتایا کہ شمشان میں آخری رسومات ادا کرنے کے لئے جس راستے گزرتے ہیں اسی روڈ پر کافی مٹی پڑی ہوئی ہے، رات کے اوقات میں چلنا پھرنا مشکل ہوگیا ہے، بلدیہ فوری طورپر یہاں سے کچرے اور مٹی کو ہٹائے کرے، نوجوانوں نے وارننگ دی ہے کہ اگر فوری طور پر مٹی اور کچروں کو ہٹایا نہیں گیا تو وہ یہ پورا کچرا بلدیہ سامنے لاکر ڈال دیں گے، سریش واسو نائک، ستیش ٹی نائک، یوگیش نائک وغیرہ اس موقع پر موجود تھے۔