بھٹکل:7/ فروری (ایس اؤنیوز)تعلقہ کے کوٹیشور کالونی سے گزرنے والی قومی شاہراہ پر قانون کی خلاف ورزی کرتے ہوئے گجری سامان کا ڈھیر ہونےکی وجہ سے سواریوں کی نقل و حمل میں دقتیں پیش آنے کا الزام عائد کرتے ہوئے مقامی لوگوں نے قومی شاہراہ کو صاف کرنے کامطالبہ لے کر بھٹکل شہری پولس تھانےکوشکایت سونپی گئی ہے۔

شکایت میں کہا گیا ہے کہ متعینہ جگہ پر گجری سامان ذخیرہ کرنے کے بجائے جدھر چاہے ادھر پھینکا گیا ہے، قومی شاہراہ کے بالکل متصل سامان کو تولا جارہاہے جس سے راہ گیروں اور بائک سواروں کو کافی پریشانی اٹھانی پڑر ہی ہے، حادثات کا خطرہ ہے ۔ مقامی لوگوں نے پرزور مطالبہ کیا ہے کہ متعلقہ افسران فوری طورپر جائے وقوع کا معائنہ کرتے ہوئے ضروری اقدامات کریں۔