بھٹکل:30؍جنوری (ایس او نیوز) فی الحال کوڑھ(جذام ) کوئی بڑی بیماریوں میں شمار تو نہیں ہوتی ، البتہ اس مرض کے تعلق سے بیدار رہیں تو کوڑھ بیماری کا  ازالہ کرسکتے ہیں۔ بھٹکل اسسٹنٹ کمشنر ساجد ملا نے ان خیالات کا اظہار کیا۔

وہ یہاں تعلقہ کے گرو سدھیندرا کالج ہال میں تعلقہ صحت عامہ محکمہ کی جانب سے منعقدہ یوم َ کوڑھ بیماری ازالہ پروگرام کا افتتاح کرنے کے بعد وہ خطاب کررہے تھے۔ انہوںنے کہاکہ اگر ہم سےکوئی جذام کو چھپاکررکھتاہے تو جان کو یقینی طورپر خطرہ لاحق  ہوگا اسی لئے اس سلسلےمیں اساتذہ اور طلبا بیدار رہنے کی تلقین کی۔ انگریزوں کے زمانے میں کوڑھ کی بیماری بہت  ہی خطرناک مانی جاتی تھی۔ مگر اس زمانے میں ان مریضوں کی خدمت کے لئے مہاتماگاندھی نے جو کاوشیں کی تھیں اس کو کوئی بھلا نہیں سکتا۔ صحت عامہ میڈیکل آفیسر ڈاکٹر مورتی بھٹ ، محکمہ خواتین و اطفال سوشیلا موگیر ، کالج پرنسپال شری ناتھ پائی موجود تھے۔ صحت عامہ آفیسر ایریا دیواڑیگا نے استقبال کیا اور پروگرام کی نظامت کی۔