بھٹکل:یکم جون (ایس اؤ نیوز )بھٹکل بلدیہ میں پچھلے کئی برسوں سے یومیہ مزدور کے طورپر کام کرنے والوں کے مسائل کو 14جون سے پہلے حل نہیں کیا گیا تو آئندہ دنوں میں سخت احتجاج کرنے کا کرناٹکا میونسپل کارمیک سنگھ (ر)اترکنڑا ضلع کمیٹی کے سکریٹری ناگپا نائک نے انتباہ دیاہے۔
وہ یہاں جمعرات کی شام پریس کانفرنس میں بات کرتے ہوئے کہاکہ بھٹکل بلدیہ میں صفائی کرمچاری ، ڈرائیور، واٹرمین ، کمپیوٹر آپریٹیر ، یوجی ڈی مزدور، دفتری معاونین ، اکاؤنٹنٹس ، ٹکنکل عملہ گذشتہ کئی سالوں سے یومیہ مزدور کے طورپر کام کررہے ہیں۔ انہیں حکومتی ضوابط کے تحت کم سے کم مزدوری ،پی ایف، ای ایس ای جیسی سہولیات فراہم کئے بغیر کام لیا جارہاہے ۔ ان تمام مسائل کے حل کا مطالبہ لے کر 5جون کو احتجاج کا فیصلہ لیا گیا تھا، لیکن سنگھ کے لیڈران کے ساتھ ہوئی میٹنگ میں بلدیہ چیف آفیسر نے مسائل کے حل کے لئے مہلت مانگی ہے، جس کے تحت 14 جون تک ہم صبر و تحمل کا مظاہر ہ کرنے کی بات کہی۔ حکومت کی طرف سے جو کم سے کم تنخواہ مقرر کی گئی ہے عملے کو اتنی تنخواہیں تقسیم کی جائیں۔ ہفتہ وار چھٹی اور دیگر تہواروں ، عیدوں کے موقع پر کام کرنے والے مزدور و ں کو مزدور قانون کے مطابق دوگنی تنخواہیں دیں۔ ہر ایک مزدور کو ای ایل (ارن لیو)کے مطابق صبح کا ناشتہ فراہم کریں۔ ہر ماہ 5تاریخ سے پہلے تنخواہ اداکرنےجیسے مطالبات کو سنگھ نے حل کرنے کی مانگ کی ہے۔ اس موقع پر بھٹکل اسوسی ایشن کے صدر راج کمار، سکریٹری ناگراج کرشنا، سبھاش شٹی وغیرہ موجود تھے۔