بھٹکل:17/جنوری  (ایس او نیوز)محکمہ تعلیمات عامہ بھٹکل اور مضامین اساتذہ ویدیکے کے زیر اہتمام دوم اور سوم کنڑا زبان اساتذہ کے لئے اسلامیہ اینگلو اردو ہائی اسکول ہال میں اعادہ ورکشاپ  کا انعقاد ہوا۔

ہوناور کنڑا زبان کے ماہر بی ایم بھٹ اور بائیلور کے مہیش بھٹ نے امدادی ماہرین کی حیثیت سے تعلیم میں پچھڑے طلبا کو کس طرح کامیابی سے ہمکنار کرسکتے ہیں اس تعلق سے منیمم پیکیج کی تفصیلات پیش کیں۔ افتتاحی پروگرام میں بی ای اؤ دفتر کے ماہر زبان ایس پی بھٹ نے مہمان خصوصی کی حیثیت سے بات کرتے ہوئے کہاکہ بھٹکل تعلقہ میں دوم اور سوم کنڑازبان میں زیادہ طلبا ناکام ہوتے ہیں، ان کی وجوہات کو تلاش کرکے انہیں تیار کرنےکی صلاح دی۔ اسلامیہ اینگلو ہائی اسکول کے صدر مدرس شبیر احمد دفعدار نے پروگرام کی صدارت کی۔ سوم کنڑا زبان کلب کے صدر ایم آر مانوی نے افتتاحی کلمات پیش کئے ۔ انجمن بائز ہائی اسکول کے صدر مدرس محی الدین ختالی ، ڈی پی ایچ ایس الویکوڑی کے صدر مدرس کے بی مڈیوال ، امتیاز ملا ڈائس پر موجود تھے۔ وویک نایک نے نظامت کرتے ہوئے شکریہ ادا کیا۔