بھٹکل:جرنالسٹ اسوسی ایشن کے زیراہتمام منعقدہ مضمون نویسی مقابلہ کے نتائج کا اعلان : نیو انگلش کی طالبہ اول
بھٹکل:25/جولائی (ایس اؤنیوز)تعلقہ جرنالسٹ اسوسی ایشن کے زیر اہتمام 29جولائی کوانعقاد کئے جانے والے یوم صحافت کی مناسبت سے کالج طلبا کے لئے منعقدہ تعلقہ سطح کے مضمون نویسی مقابلہ میں نیو انگلش پی یو کالج کی شعبہ سائنس اول کی طالبہ کوسوما این نائک اول مقام حاصل کیا ہے۔
اسی طرح گروسدھیندرا کالج کے بی کام اول کی طالبہ نکیتا ایم شیٹھ دوم اور سدھارتھ پی یو کالج کی شعبہ سائنس دوم کی طالبہ جیوتی گنپتی دیواڑیگا سوم مقام حاصل کیا ہے۔ مقابلہ میں گروسدھیندرا کالج ، بی بی اے سوم کی طالبہ دیپا این نائک اور سدھا رتھ ڈگری کالج کی بی کام اول کی طالب علم مہیش کے کو تشجیعی انعامات حاصل کئے ہیں۔ مقابلہ میں مقام حاصل کئے طلبا کو 29جولائی کو منعقد ہونے والے یوم صحافت کے پروگرام میں انعامات تقسیم کئے جانے کی جانکاری اسوسی ایشن کے صدر وشنو دیواڑیگا، جنرل سکریٹری من موہن نائک نے پریس ریلیز جاری کرتے ہوئے دی ہے۔