بھٹکل:21/جون (ایس اؤنیوز) طلبا اپنی زندگی میں ذہنی یکسانیت ، سکون اور تعلیمی ترقی چاہتے ہیں تو ان کے لئے ضروری ہے کہ وہ یوگا کو اپنی عادت بنا لیں۔ شرالی کے سماجی کارکن ڈاکٹر آر وی سراف نے جنتا ودیالیا شرالی میں منعقدہ عالمی یوم یوگا کے پروگرام میں طلبا کو مخاطب ہوتے ہوئے ان خیالات کااظہار کیا۔

ڈاکٹر سراف نے طلبا سے کہاکہ یوگا سے عقل کی ترقی ہوتی ہے، جسمانی صحت میں بہتری آتی ہے، یوگا کرنے والے لالچ اور حرص کو نہ اپنائیں گے تو ذہنی سکون ملنے کی بات کہی۔ اسکول ترقی بورڈ کے صدر ڈی جے کامت نے پروگرام کی صدارت کی۔ مہمان خصوصی کی حیثیت سے شری نواس مہالے نے بھی خطاب کیا۔ پروگرام میں یوگ گرو گوند دیواڑیگا، ورکنگ جرنالسٹ اسوسی ایشن کے صدر رادھا کرشنا بھت ، محکمہ صحت عامہ کے موظف افسر ایم پی بھنڈاری ، یوگا کھلاڑی درگا داس نے بھی خطاب کیا۔ ڈائس پر وشنو شانبھاگ، جنتا ودیالیا کے پرنسپال اے بی رام رتھ موجود تھے۔ ہائی اسکول کے صدر مدرس ایم اے نائک نے استقبال کیا تو استانی نے شکریہ ادا کیا۔