بھٹکل: تعمیری فکر کے ساتھ ملک کی تعمیر کرنا ہی جشن آزادی کا مقصدہے : یوتھ سنگھ کی طرف سے یوم ِآزادی کی تقریب
بھٹکل:15/اگست (ایس اؤنیوز)اس ملک کے لئے اپنا سکھ ، چین و آرام اور اپنی جان کی قربانی دینے والوں کو یاد کرنا جشن آزادی کا اصل مقصد ہے۔ اس کے ساتھ ساتھ ملک کی آزادی کے لئے جدوجہد کرتے ہوئے جن مہان ہستیوں نے اپنی جانوں کی قربانی دئیے ہیں ان ک ایثار پر داغ دھبہ نہ لگاتے ہوئے ملک کی تعمیر میں مشغول ہونا ہمار اہم فریضہ ہے۔ ان خیالات کا اظہار بھٹکل کنڑا ساہتیہ پریشد کے صدر گنگادھر نائک نےکیا۔
وہ یہاں تعلقہ کے ماوین کوروے کے امر لنگیشور یوتھ سنگھ کے زیر اہتمام منعقدہ 71ویں آزادی کی تقریب میں ترنگا لہراکرخطاب کررہے تھے۔ اس موقع پر انہوں نے کرناٹکا کے ترانے جئے بھارت جننی تنو جاتے کو ایک مثال قرار دیتے ہوئے کہاکہ ایک ریاست ہونے کے باوجود وہ اپنے ملک کو دیکھنے والی نظر اس ترانے میں جس طرح پیش کی گئی وہ ایک عمدہ مثال ہونے کی بات کہی۔ اس موقع پر ڈوبنے والے افراد کی جان بچانے والے گوپال موگیر، سریش بسوا کھاروی اور سماجی کارکن شری نواس نارائن کھاروی وغیرہ کی تہنیت کی گئی ۔ تقریب میں ماوین کوروے ہائی اسکول کے طلبا ، گرام پنچایت صدر کوسوما نائک، نائب صدر منجوناتھ کھاروی ، رمیش کھاروی، رتناکر کھاروی ، یوتھ سنگھ کے صدر راما کھاروی، صدر مدرس ونایک اودھانی اور اساتذہ موجود تھے۔ پروگرام کے بعد طلبا اور عوام میں مٹھائی کی تقسیم کی گئی ۔