بھٹکل  :20؍مارچ (ایس او نیوز) تعلقہ کے بیلکے گرام  پنچایت حدود کے نوج دیہات کے گنجی گیری فاریسٹ علاقے میں چھپا کر رکھی ہوئی 122لیٹر دیسی کچی شراب  اور 2لیٹر دیسی  شراب بھٹکل ایکسائز افسران نے بدھ کی دوپہر ضبط کرلینے کا واقعہ پیش آیا ہے۔

مصدقہ خبر پر کارروائی کرتے ہوئے بھٹکل ایکسائز خاتون انسپکٹر سیما کی قیادت میں افسران اور عملے نے  دیسی شراب تیار کرنے والے مرکز پر چھاپہ مارا ۔فروری 25سے اب تک ایکسائز افسران نے ریل میں سپلائی کی جارہی 18.75لیٹر گوافینسی ، بھٹکل مضافاتی علاقوں سے 120لیٹر گوڈ کا محلول ،12لیٹر دیسی شراب اور 34لیٹر بھارتی شراب ضبط کرلینے کی  بھٹکل ایکسائز انسپکٹر نے جانکاری دی ہے۔