بھٹکل:27/فروری (ایس او نیوز)تعلقہ سطح کے آئی آئی ٹی فسٹ 2017کے کوئز مقابلے شرالی کے سدھارتھ انگلش میڈیم ہائی اسکول میں منعقد ہوئے، جس میں بھٹکل تعلقہ کے ہائی اسکولوں کے طلبا شریک تھے۔
سورتکل این آئی ٹی کے سنئیر پروفیسر زورا گونڈ نے آئی آئی ٹی کے متعلق تفصیلات پیش کیں۔ موظف پرنسپال رماکانت رونکر نے سائنسی تعلیم پر روشنی ڈالی۔ پی یو کالج کے لکچرر ایم کے نائک ، سدھارتھ ایجوکیشن ادارے کے صدر کیاپٹن کے آر نائک، تعلیمی منتظم ایس پی بھٹ، پرنسپال پرہلاد رائچور، صدر مدرس راما نائک ، چندرشیکھر نائک، لکچرر سنتوش آچاریہ ، استاد لوہیت نائک، گنیش نائک موجود تھے۔ سدھارتھ پی یوکالج کی پرنسپال ارچنا یو نے افتتاحی کلمات پیش کئے ۔
4مرحلوں پر مشتمل کوئز مقابلے میں جماعت ششم کے زمرے میں سرکاری ہائر پرائمری اسکول شرالی نے اول اور سرکاری ہائر پرائمری اسکول بیٹکور نے دوم مقام حاصل کیا۔ جماعت ہفتم کے زمرے میں سرکاری ہائی اسکول بیٹکورکو اول مقام اور آنند آشرم کانوینٹ ہائی اسکول بھٹکل کو دوم مقام حاصل ہوا۔ جماعت ہشتم کے زمرے میں سدھار تھ انگلش میڈیم ہائی اسکول شرالی کو اول مقام اور ودیانجلی ہائی اسکول کو دوم مقام ملا۔ جماعت نہم میں سدھارتھ ہائی اسکول شرالی نے اول مقام اور سرکاری ہائی اسکول بیلکے نے دوم مقام حاصل کیا۔ ان تمام باتوں کی جانکاری پریس ریلیز کے ذریعے دی گئی ہے۔