بھٹکل میں ڈرنیج کا مسئلہ سنگین ؛ ضلعی انتظامیہ کو انتباہ؛ فوری حل نہ کرنے کی صورت میں سبھی میونسپل کانسلرس ایک ساتھ دیں گے استعفیٰ

Source: S.O. News Service | By Abu Aisha | Published on 11th September 2017, 8:43 PM | ساحلی خبریں | ان خبروں کو پڑھنا مت بھولئے |

بھٹکل:11/ستمبر (ایس اؤنیوز)بھٹکل بلدیہ حدود میں اے ڈی بی منصوبے کے تحت جاری اندرونی نالیوں (ڈرنیج ) کامسئلہ جوں کا توں باقی ہے، ضلعی انتظامیہ کی طرف سے  18ستمبر سے پہلے پہلے ماہرین کو بھیج کر مسئلہ کاحل نہیں نکالا گیا تو پہلے مرحلے میں سبھی کونسلر بلدیہ دفترکے سامنے سخت احتجاج کریں گے، اس کے بائوجود اگر کاروائی نہیں ہوئی تو سبھی کونسلرس اپنا استعفیٰ پیش کریں گے ۔ اس بات کی جانکاری میونسپل چیف  محمد صادق مٹا نے دی ۔

پیر کی شام بلدیہ دفتر میں پریس کانفرنس میں خطاب کرتے ہوئے  انہوں نے بتایاکہ  ڈرنیج کے لئے استعمال کردہ پائپ بار بار خراب ہورہے ہیں، جس کے نتیجےمیں ڈرینج کا گندہ پانی کنوئوں میں جمع ہوکر پینے کے پانی کو خراب کررہے ہیں، ڈرینج کی ناکامی سے  عوام  کے لئے پینے کے پانی کا مسئلہ کھڑا ہورہا ہے۔  انہوں نے بتایا کہ بھٹکل کے غوثیہ اسٹریٹ علاقے میں ڈرنیج کا مرکز قائم ہے، جہاں شہر کا تمام ڈرینج جمع ہوکر پمپنگ اسٹیشن کے ذریعے ڈرینج کو  وینکٹاپور ندی میں روانہ کیا جاتا ہے، لیکن جوڑے گئے پائپ کے ذریعے پمپنگ کا ڈرینج  ٹھیک طرح سے سپلائی نہیں ہورہاہے، گذشتہ کئی برسوں سے درپیش مسئلے کی بھٹکل بلدیہ نگرانی کرتی رہی ہے، لیکن ابھی تک اس کا کوئی مستقل حل نہیں نکالاگیا ہے۔

ڈرنیج نظام کی ناکامی کو لے کربلدیہ کی طرف سے  ضلع کے ڈپٹی کمشنر سے  درخواست کی گئی تھی انہوں نے 6ستمبر سے 11ستمبر کے درمیان بھٹکل پہنچ کر معائنہ کرنے کا یقین دلایا تھا،  لیکن  ابھی تک انہوں نے  کوئی کارروائی نہیں کی۔ میونسپل کونسلرس چونکہ عوامی منتخب نمائندے ہیں، اس بنا پر ہم  عوام کے لئے جوابدہ ہیں اور اس سلسلے میں ہمیں عوام مسلسل سوالات کر رہے ہیں کہ آخر ڈرینج کا مسئلہ کب حل ہوگا،ان حالات میں ضلعی انتظامیہ ہمیں تعائون نہیں دے گی اور اس مسئلہ کو حل کرنے کی طرف توجہ نہیں دے گی تو   احتجاج ہماری مجبوری  ہوگی ۔ انہوں نے مزید سخت اقدام کی جانکاری دیتے ہوئے بتایا کہ اگر احتجاج کے بائوجود ضلعی انتظامیہ کی جانب سے کوئی کاروائی نہیں ہوئی تو ہم لوگ ایک بڑا قدم اُٹھاتے ہوئے میونسپالٹی کے سبھی کونسلر ایک ساتھ اپنا استعفیٰ پیش کریں گے۔

پریس کانفرنس میں  نائب صدر کے ایم اشفاق، اسٹانڈنگ کمیٹی چیرمن عبدالرحیم سمیت دیگر  مرد و خواتین کونسلرس موجود تھے۔

ایک نظر اس پر بھی

کاروار: بارش ہونے پر پہاڑ کھسکنے کا خدشہ : عوام خوف زدہ

ریاست کے ضلع کورگ اور ریاست کیرلا  میں بارش کی وجہ سے جو سنگین حالات پیدا ہونے سے وہاں جو آفت بپا ہوئی ہے وہ تو سب کے سامنے ہے ، یہاں کاروار تعلقہ کے ارگا ، سنکروباگ میں  ایک پہاڑ جیسے تیسے کھود کر   ادھورہ چھوڑ دینے سے خطرے کی گھنٹی بجارہاہے، اب پہاڑ کو نکال باہر کرنے کے دوران ...

کاروارساحل پر بیرونی ریاستوں کی ماہی گیر کشتیاں : ہفتہ بھر سے لنگر ڈالے تمل ناڈو، کیرلا وغیرہ کی بوٹس

بحرہ عرب میں چلنے والی طوفانی موجوں کی تاب نہ لاکر گذشتہ ایک ہفتہ سے پڑوسی ریاستوں کی ماہی گیر کشتیاں کاروار ساحل پر ڈیرہ ڈالے ہوئے ہیں۔ جہاں انہیں کھانے پینے کا انتظام کیاجارہاہے، اسی طرح کاروار بندر گاہ سے پڑوسی ریاستوں کے ماہی گیر اناج وغیرہ خرید کر لے جارہے ہیں۔ کیرلا اور ...

بھٹکل کے قریب منکی میں زمین کو لے کر ایک شخص کاقتل، بیوی زخمی؛ ملزم گرفتار

پڑوسی تعلقہ ہوناور کے منکی میں زمین کے معاملے کو لے کر ایک بھائی نے دوسرے بھائی کا قتل کردیا جبکہ اُس کی بیوی جو بیچ بچائو کرنے کی کوشش کررہی تھی،  زخمی ہوگئی، واردات آج پیر دوپہر کو منکی کے  تالمکّی میں  پیش آئی ۔

سیلاب متاثرین کی طرف بسکٹ پھینکنے پر وزیر تعمیرات عامہ ایچ ڈی ریونا تنازعے میں گھرگئے؛ کئی حلقوں میں شدید ناراضگی

ریاستی وزیر برائے تعمیرات عامہ ایچ ڈی ریونا کی طرف سے کورگ اور رامناتھ پورہ کے سیلاب زدگان کی راحت کاری مہم کے دوران متاثرین کی طرف بسکٹ پھینکے جانے کا معاملہ تنازعے کا سبب بنا ہوا ہے۔