بھٹکل:29/ جنوری (ایس اؤنیوز) 1948میں بابائے قوم مہاتما گاندھی کی فاشسٹ قوتوں کے ہاتھوں ہوئی شہادت کے بعد فرقہ پرستی کا زہر ملک بھر میں پھیلتا نظر آرہاہے ، ریاست کو ایک مثالی مساوات اور یک جہتی کا اعلیٰ نمونہ بنا کر پیش کرنےکی غرض سے منگل کو بلاتفریق سو سے زائد خواتین نے انسانی زنجیر بنا کر عوام میں بھائی چارگی اور آپسی میل جول پیدا کرنےکی کوشش کی۔
سی آئی ٹی یو ، اکشر داسوھا کارکنان سمیت عوام انسانی زنجیر میں شریک تھے۔ اس موقع پر میڈیا سے بات کرتے ہوئے سی پی آئی لیڈر سبھاش کوپی کر نے کہاکہ پارٹیوں کی تفریق نہ کرتے ہوئے انسانی تعلقات کو مضبوط کرنے کے لئے انسانی زنجیر کی تشکیل کی گئی ہے، جس میں تمام دھرموں ، زبانوں کے لوگوں نے شرکت کی انہوں نے فرقہ پرستوں کے خلاف فرقہ وارانہ ہم آہنگی اور آپسی دوستانہ ماحول کو فروغ دینے کی ضرورت پر زور دیا۔ انسانی زنجیر کی تشکیل کے موقع پر شہر کے مشہور مفکر پروفیسر آر ایس نایک، سی آئی ٹی یو کی سکریٹری گیتا نائک، پشپانائک، گجیندر شرالی ، گریجا موگیر سمیت کافی لوگ شریک تھے۔