بھٹکل 24اگست (ایس او نیوز) منی پال کستوربا اسپتال میں زیرعلاج ایک معصوم بچی کے علاج کے لئے گھروالوں نے تمام عوام سے مالی تعائون کی درخواست کی ہے۔ مرڈیشور سے تعلق رکھنے والے محمد علی جو پیشہ سے ڈرائیور ہیں، ان کی اہلیہ نے 8اگست کو کنداپور اسپتال میں ایک بچی کو جنم دیا، چونکہ وقت سے پہلے ڈیلیوری ہوئی تھی، اس بنا پر بچی کا وزن کافی کم ہے اور نہایت کمزور ہے۔ بچی کی حالت دیکھتے ہوئے ڈاکٹروں نے اسے فوری منی پال لے جانے کی صلاح دی جہاں بچی کو انتہائی نگہداشت والے کمرے میں  خصوصی  پالنے  میں رکھا گیا ہے۔ منی پال اسپتال کے ڈاکٹروں نے مکمل علاج کے لئے دو لاکھ سے زائد خرچہ آنے کا تخمینہ دیا ہے۔

محمد علی نے بتایا کہ وہ ڈرائیونگ کرتے ہوئے گھر کے اخراجات سنبھال رہا ہے، مگر بچی کے علاج کے لئے درکار رقم اُس کے پاس نہیں ہے، ایسے میں اسپتال کے ڈاکٹروں نے بتایا ہے کہ تین دن کے اندر قریب تیس ہزار روپیہ ایڈوانس جمع کرنے کی ہدایت دی ہے بصورت دیگر علاج روکنے کا اشارہ دیا ہے۔ محمد علی نے تمام لوگوں سے درخواست کی ہے کہ وہ اپنی جانب سے ہرممکن مدد کریں۔ انہوں نے عوام الناس سے بچی کی جلد صحت یابی کے لئے دُعا کرنے کی بھی درخواست کی ہے۔ اللہ بچی کو صحت اور عافیت دے۔ امین

عوام الناس مالی تعائون کے لئے محمد علی سے موبائل نمبر 7378883703  پر رابطہ کرسکتے ہیں۔ ساحل آن لائن کے توسط سے بھی عوام مدد فراہم کرسکتے ہیں۔ جس کے لئے ساحل آن لائن مینجر مبشر حُسین ہلارے سے موبائل نمبر 9972818849پر رابطہ کریں۔