بھٹکل:24/اپریل(ایس اؤنیوز) تعلیم حاصل کرنے کےلئے جو عمر کالج میں گزری ہے وہ کبھی بھلائے نہیں بھول سکتے ، وہ بڑے سنہرے دن ہوتے ہیں ، اترکنڑا ضلع کی مشہور کالجوں میں سے ایک کالج میں آپ کا تعلیم حاصل کرنا کسی نعمت سے کم نہیں ہونے کا بھٹکل ہوناور فاریسٹ آفیسر نندیش ریڈی نے خیال ظاہر کیا۔
وہ یہاں گرو سدھیندرا ڈگری کالج کے سالانہ جلسہ میں مہمان خصوصی کے طورپر طلبا سے مخاطب تھے۔ کالج انتظامیہ کے صدر ڈاکٹر سریش نایک نے جلسہ کی صدارت کرتے ہوئے طلبا کو مبارکباد پیش کی۔ کالج پرنسپال ویریندر شانبھاگ افتتاحی کلمات پیش کئے۔ ٹرسٹ کے تعلیمی اداروں کے ڈائرکٹر بی آر کے مورتی ، وجیا بینک کے موظف جنرل مینجر ایم آر نائک موجود تھے۔ تعلیمی سال میں ثقافتی اور کھیل مقابلوں میں جیت حاصل کئے طلبا کے درمیان انعامات کو تقسیم کیا گیا۔بی کام کے انیل آچاریہ کو بہترین طالب علم کے خطاب سے نوازاگیا تو بی کام فائنل کی طالبات نرملا پائی اور رمسہ ستوات نے نظامت کی، لکچرر فنی یپا نے شکریہ اداکیا۔