بھٹکل  :28/جولائی (ایس اؤ نیوز) شری گرو سدھیندرا بی بی اے،بی سی اے کالج میں سال 2018-2019میں داخلہ لئے نئے طلبا کے لئے کالج کے سنئیر طلبا نے استقبالیہ پروگرام کاانعقاد کیا۔

مہمان خصوصی کی حیثیت سے شرکت کئے شرالی جنتا ودیالیہ پی یوکالج کے پرنسپال اے بی رام رتھ نے طلبا کو لگن ، محنت اور مسلسل کوشش کے ذریعے کامیاب ہونے کی ہدایات سے نوازا۔ کالج الومنی ایکسچینج کمپنی کے مارکیٹنگ کے ماہر نریش شٹی نے بھی طلبا کی اہلیت اور قابلیت کے متعلق بات کی۔ اس موقع پر سال 2017-2018کے ہونہار طلبا کی تہنیت کی گئی ۔ بی ای ٹی کے صدر ڈاکٹر سریش نایک، انتظامیہ افسر ناگیش بھٹ، بی سی اے پرنسپال شری ناتھ پائی ، بی کام تعلیمی شعبہ کے نگراں کار پی ایس ہیبار، بی بی اے کے وشوناتھ بھٹ وغیرہ موجود تھے۔ متعلم اکشھیا پربھو اور راجیشوری نے نظامت کی ۔ لکچرر اومکار مربلی نے شکریہ اداکیا۔ اس کے بعد طلبا نے ثقافتی پروگرام پیش کیا۔