بھٹکل:آنگن واڑی کارکنوں اور معاونین کو بیک وقت تعطیلات منظوری کا مطالبہ لے کر سنگھ نے سونپا میمورنڈم
بھٹکل:13/اپریل (ایس او نیوز) سی آئی ٹی یو کی زیر انتظام بھٹکل تعلقہ کرناٹکا راجیا آنگن واڑی نوکرر سنگھ کی جانب سے آنگن واڑی ملازمین و معاونین کو ایک ہی وقت تعطیلات منظور کرنے کامطالبہ لےکر محکمہ اطفال کے افسر کو میمورنڈم سونپا گیا۔
میمورنڈم میں تحریر کیا گیا ہے کہ آنگن واڑی کارکنوں اور معاونین کو 15دنوں کی گرمیوںکی تعطیلات بیک وقت دی جائیں ۔ 1997میں جے ایچ پٹیل کی حکومت نے 21دنوں کے ستیہ گرہ کے بعد آنگن واڑی کارکنوں اورمعاونین کو گرمیوں کی چھٹیاں منظور کی گئی تھیں، مگر اب اس کو دوبار ہ چھین لینےکی کوشش کی جارہی ہے۔ چھٹیوں میں بھی دوگنا کام لیا جارہاہے جس کی سنگھ کڑی مذمت کرتاہے۔
سی آئی ٹی یو کے جنرل سکریٹری سبھا س کوپیکر نے بات کرتے ہوئے کہاکہ افسران اچانک کسی بھی آنگن واڑی مرکز کا دورہ کرتے ہوئے ملازمین پر چڑھ آتے ہیں، بے عزتی کرتے ہیں، الزام لگاتے ہیں، اس طرح افسران کا ملازمین پر دباؤ ڈالنا ٹھیک نہیں ہے۔ سنگھ کی طرف سے دئیے گئے میمورنڈم کو محکمہ کی کارگزار سی ڈی پی او سوشیلا موگویر نے حاصل کیا۔ اس موقع پر سنگھ کی صدر پشپاوتی نائک، تعلقہ صدر گیتا نائک، ناگ رتنا موگیر، پدمانائک وغیرہ موجود تھیں۔