بھٹکل:18/ جنوری (ایس اؤنیوز) 2004میں مرکزی حکومت کی طرف سے جاری کردہ پنشن اسکیم غیر سائنٹفک ہے جس سے سرکاری ملازمین میں عدم تحفظ پیدا کرنےکا الزام عائد کرتے ہوئے کرناٹکا سرکاری ملازمین سنگھ بھٹکل کے ممبران نے جمعرات کو پرانی پنشن اسکیم کو ہی جاری رکھنے کا مطالبہ لےکر بھٹکل تحصیلدار کی معرفت حکومت کو میمورنڈم سونپا۔

ریاست کرناٹکا متعلقہ پنشن اسکیم کو 2006کو نافذ کیا۔ 2006کے بعد تقرر کردہ ریاستی سرکاری ملازمین کے پنشن اسکیم میں خامی ہے۔ ٹرسٹ مینجمنٹ کی طرف سے کئے جانے والی معاشی معاملات میں کوئی نظم نہیں ہے، یہ ایک غیر یقینی پنشن اسکیم ہے جس کے نتیجے میں ریاست میں خدمات انجام دے رہے 1.80لاکھ سرکاری ملازمین وظیفہ یابی کے وقت پنشن اور دیگر سہولیات سے محروم ہوجائیں گے۔ این پی ایس اسکیم کے ماتحت آنے والے ملازمین کو جن مسائل کا سامناہے اس کے حل کے لئے 6ویں پے کمیشن کو سفارش کریں ، مسئلہ کو انسانی بنیادی ضروریات میں شامل کرتے ہوئے ضروری اقدام کے لئے میمورنڈم میں زور دیاگیا ہے۔ تحصیلدار وی این باڈکر نے میمورنڈم قبول کیا۔ ملازمین سنگھ کے صدر ایم بی نائک، نائب صدر ایم این نائک، گنیش ہیگڈے ، امیش، ناگیش وغیرہ موجود تھے۔