بھٹکل سرکاری ڈگری کالج میں فوجیوں کو دی گئی شردھانجلی
بھٹکل:19؍فروری (ایس او نیوز) شہر کی سرکاری فرسٹ گریڈ ڈگری کالج میں منعقدہ ایک تعزیتی پروگرام میں پلوامہ میں شہید ہوئے فوجیوں کو شردھانجلی دی گئی ۔
کالج پرنسپال دستگیر ہلیال کی نگرانی میں منعقدہ شردھانجلی پروگرا م میں تدریسی ، غیر تدریسی عملہ ، طلبا و طالبات شریک ہوئے ۔ پروگرام میں دیا سلائی کرتے ہوئے شہیدفوجیوں کی تصاویر کو پھول نچھاور کئے گئے۔ اس موقع پر بات کرتے ہوئے پرنسپال دستگیر ہلیال نے کہاکہ ہمارے لئے ضروری ہے کہ ہم سرحدوں پر تعینات فوجیوں کو ہمیشہ حوصلہ اور ہمت دینےکا کام کریں، ان کی قربانیوں کو بے کاراور ضائع ہونےنہ دیں، آگے کہا کہ ہم پلوامہ میں ہوئے دہشت گرد انہ حملہ کی کڑی مذمت کرتےہیں اور حکومت سے یہ چاہتے کہ اس کا کرارا جواب دیاجائے۔ انہوں نے شہید فوجیوں کے خاندانوں سے تعزیت کرتے ہوئے کہاکہ ہم ان کے دکھ میں برابر کے شریک ہیں، بھگوان انہیں ہمت و حوصلہ دے۔ پروگرام میں طلبا و طالبات نے جئے جوان کے نعرے لگائے۔