بھٹکل :ملناڈ علاقوں کے اسکولوں کو خصوصی رعایت دے کر اساتذہ کے تبادلوں کو روکنے کا مطالبہ لےکر وزیرتعلیم کو میمورنڈم
بھٹکل:24/ اگست (ایس اؤ نیوز)رواں تعلیمی سال کے آغاز سے ہی طلبا کی تعداد کو شمار کرتے ہوئے اضافی اساتذہ کے تبادلوں کی کارروائی چل رہی ہے، جس کے نتیجےمیں بھٹکل ودھان سبھا حلقہ میں طلبا کاتعلیمی معیار متاثر ہورہاہے، اگر طلبا کی تعداد کو بنیاد مان کر تبادلے کئے گئے تو ممکن ہے سرکاری اسکولوں کو بندکرنے کی نوبت آئے گی ۔ حکومت فوری طورپر اس پرروک لگانے کا مطالبہ کرتے ہوئے حلقہ کے رکن اسمبلی سنیل نائک نے ریاستی کابینہ کے پرائمری اور ہائی اسکول وزیر کو میمورنڈم سونپاہے۔
میمورنڈم میں کہاگیا ہے کہ بھٹکل ودھان سبھا حلقہ کا 25فی صد علاقہ ملناڈ میں شامل ہوتاہے ،سرسی تعلیمی ضلع کو ملناڈ علاقہ مانتے ہوئے وہاں جس طرح کی خصوصی رعایت دی جارہی ہے، اسی طرح متعلقہ علاقوں کو بھی اس میں شامل ہونے کی مانگ رکھی گئی ہے۔