بھٹکل:2/ دسمبر(ایس اؤنیوز)وژن انڈیا مشن فاؤنڈیشن بھٹکل کے زیراہتمام غریب اور ضرورت مند لڑکیوں اور عورتوں کو مفت کمپیوٹر کلاسس اور ٹیلرنگ کلاسس کی تربیت دیتے ہوئے انہیں خود کفیل بنانے کا منصوبہ جاری کیاگیا ہے۔

اس سلسلے میں فاؤنڈیشن کے صدر محمد فاروق نے پریس ریلیز جاری کرتےہوئے کہاہےکہ غریب اور ضرورت مند لڑکیوں اور عورتوں کی زندگی کو سہارا دینے کے لئے وومن ایمپاور منٹ اینڈ اسکل ڈیولپمنٹ  پروجکٹ کے تحت 3ماہ کی مدت والےمفت کمپیوٹر ٹرینینگ کلاسس شروع کئے جارہے ہیں ۔ جو لڑکیاں پی یو سی اور اعلیٰ تعلیم میں کامیاب ہیں جن کی عمر 18سے35سال کے درمیان ہے، ایسے خواہش مند داخلے کے لئے درخواست دے سکتےہیں۔ اسی طرح ساتویں پاس  یا فیل والوں کو 3 ماہ کے مفت ٹیلرنگ کلاسس کا کورس شروع کیا جارہاہے 18سے 35سال کی عمر والے ایڈمیشن کے لئے عرضی دے سکتےہیں۔

دونوں کورسس کے دوران انگلش اور سافٹ اسکل کی تعلیم بھی دی جائے گی ۔کورس کی تکمیل کے بعد کامیاب امیدواروں کو سرٹیفکٹ دئیے جائیں گے۔ خواہش مند اسامیوں سے اپیل کی گئی ہے کہ وہ فاؤنڈیشن کے سنئیر نائب صدر شوکت خطیب سے رابطہ کرکے رجسٹریشن کروا سکتےہیں۔ مزید جانکاری کے لئے 9986083768پر رابطہ کرسکتے ہیں۔