بھٹکل:13/اگست (ایس اؤنیوز)شرالی سرکاری ہائر پرائمری اسکول میں 6سے 19سال عمر کے خصوصی نگرانی کے مستحق (ذہنی و جسمانی اپاہج)بچوں کا مفت میڈیکل جانچ اورکاؤنسلنگ کیمپ کا رکن اسمبلی منکال وئیدیا نے افتتاح کیا۔
رکن اسمبلی نے خطاب کرتے ہوئے کہاکہ حکومت اس طرح کے خصوصی بچوں کے لئے بے شمار اسکیموں کو جاری کی ہے عوام ان سے استفادہ کرنےکی اپیل کی۔ شرالی گرام پنچایت کے صدر وینکٹیش نائک، بی ای اؤ وینکٹیش پٹگار مہمانِ خصوصی کے طورپر شریک تھے۔ تعلقہ پنچایت کی نائب صدر رادھا اشوک وئیدیا نے پروگرام کی صدارت کی۔ اسٹانڈنگ کمیٹی کے چیرمن وشنو دیواڑیگا، طبی ماہر ڈاکٹر دینکر، ڈاکٹر سرویش، سنئیر میڈیکل آفیسر ایریا دیواڑیگا، اساتذہ سنگھ کے صدر شنکر نائک، صدر مدرس شری دھر موگیر، اسکول ترقی بورڈ کے صدر راجیش دیواڑیگا موجود تھے۔ ڈاکٹر سرویش کمار ، ڈاکٹر نندنی ، ڈاکٹر رمیش گوڈا، ڈاکٹر ستیش وغیرہ نے کیمپ کی نگرانی کی۔ راگھویندر مڈیوال نے نظامت کی تو سنتوش سریشٹی نے شکریہ اداکیا۔ تعلقہ کے مختلف اسکولوں کے 297بچے کیمپ میں شریک ہوئے ، 110بچوں کےدرمیان سہولیاتی اشیاء فراہم کرنے اور 9بچوں کو سرجری کے لئے سفارش کی گئی ۔