بھٹکل:18/جون (ایس اؤنیوز)ہر ایک کو علم سے روشنی پانا ممکن ہے البتہ اس کے لئے والدین وسرپرستوں کی ترغیب و ترہیب ضروری ہونے کا سابق رکن اسمبلی جے ڈی نائک نے خیال ظاہر کیا۔

وہ شری وینکٹیشور ودیا وردھک سیوا سنستھا کی جانب سے پی یو سی اول ودوم کے غریب طلبا میں مفت کتابیں و دیگر تعلیمی لوازمات کے تقسیم پروگرام کا افتتاح کرنے کے بعد خطاب کررہے تھے۔ انہوں نے بتایا کہ حالیہ دنوں میں ہائی اسکول تک مفت میں کتابیں تقسیم کیا جارہاتھا اب یہ کالج تک وسعت دئیے جانے سے بہت خوشی حاصل ہونے کی بات کہی۔ ہائی کورٹ کے وکیل ناگیندر نائک نے اس موقع پر خطاب کرتے ہوئے کہاکہ طلبا صرف خواب نہ دیکھیں بلکہ اس کی تعبیر ڈھونڈنکالیں اور اس کو پورا کرنے کی ہرممکن کوشش کرنےکی اپیل کی۔ جو بھی ایماندار ہوتاہے سماج اس کو ضرو ر پہچانتا ہے ۔ نامدھاری گرومٹھ کے صدر ایم آرنائک نے خطاب کرتے ہوئے طلبا کی صلاحیتوں کو پہچان کر اس کو جلا بخشنے کاکام ہونا ہے ۔ منگلورو ایکسپرٹ کالج کے نائب پرنسپال گرودت این نے طلبا کو وقت اور نظم کی ضبط کی اہمیت بتائی ۔ نامدھاری سماج کے سابق صدر ڈی بی نائک نے بھی موقع کی مناسبت سے خطاب کیا۔ وینکٹیشور ودیا وردھک ادارے کے صدر کے آر نائک نے پروگرام کی صدارت کی۔ پی یو سی دوم میں ضلع میں 5واں مقام حاصل کرنےو الی اور تعلقہ میں پہلا مقام پانے والی سہنا ایم نائک اور گرودت این کی پروگرام میں تہنیت کی گئی ۔ سنگھ کے ڈائر کٹر ایس ایم نائک نے استقبال کیا تو چندر شیکھر نائک نے رپورٹ کی خواندگی کی ۔ جنرل سکریٹری من موہن نائک نے شکریہ اداکیا۔