بھٹکل : فوریسٹ معاملے کے ملزم کرشنا نائک کی عدالت میں حاضری : بڑی آسانی سے ملی ضمانت
بھٹکل:21/فروری (ایس او نیوز) فوریسٹ افسران کی قید میں موجود فرد کا اغواء کئے جانے والے معاملے میں ملزمان کی فہرست میں شامل بی جے پی لیڈر کرشنانائک، منگل کو اچانک بھٹکل عدالت میں حاضرہوئے، جہاں عدالت نے انہیں عارضی طورپر ضمانت منظورکی ہے۔
پیر کو اے سی دفتر کے سامنے منعقدہ بی جے پی کے احتجاج میں شریک ہوکر پولس افسران کے سامنے ہی بھاشن دینے کے باوجود کوئی کارروائی نہیں کئے جانے کو لے کر ضلع ایس پی نے رپورٹ طلب کی تھی اور 24گھنٹوں کے اندر ملزم کو گرفتارکرنے کا حکم جاری کیا تھا اس دوران یہ خبر بھی موصول ہوئی تھی کہ مرڈیشور پولس تھانہ ایس آئی بھیم سنگھ لمانی کو بھٹکل ایس آئی کا چارج دے کر یہ حکمنامہ جاری کیا گیا تھا۔ پیر کی بھاگ دوڑ آگے بڑھتے ہوئے منگل کو کرشنا نائک نے اپنے آپ کو عدالت کے حوالے کیا اور بڑی آسانی کے ساتھ عارضی ضمانت حاصل کرنے کی اطلاعات موصول ہوئی ہیں۔معاملے کی اگلی سنوائی 23فروری کو ہوگی۔ ملزم کرشنا کی طرف سے وکیل راجیش نائک نے دعویٰ پیش کیا تھا۔
پیر کو منعقدہ بی جےپی کے احتجاج میں ملزم کوبھاشن کے لئے موقع دینے والی پولس کا رویہ پس پردہ سیاسی ہنگامہ خیزی کو راہ دینے کے امکانات ہیں۔ حالیہ واقعات کے لئے بھٹکل اعلیٰ افسران ہی اہم وجہ سبب ہونے کی بات کہی جارہی ہے۔ ایک سیاسی لیڈران کی طرح سلوک اپنانے کا عوامی سطح پر الزام لگایا جارہاہے۔ اگلے ایک سال میں انتخابات ہونے والے ہیں، متعلقہ افسران کے رویہ سے بھٹکل میں بہت بڑے پیمانے پر ہنگامہ خیزی اور نقصان کا الزام عائد کرتے ہوئے مقامی سطح پر ایک گروہ پولس کے اعلیٰ افسران سے ملاقات کرتے ہوئے شکایت پیش کئے جانے کی اطلاعات بھی موصول ہوئی ہیں۔