بھٹکل:مفت خور اور تعیش پسند نہ بنیں ، خود اعتمادی ، لگن اور کٹھن محنت سے آگے بڑھیں:جنتاودیالیامیں روزگار میلے کا انعقاد
بھٹکل:14/جون (ایس اؤنیوز)حکومت کرناٹکا، سنجیونی کرناٹکا گرامین سنستھا(محکمہ پنچایت راج اور دیہی ترقی )، ضلع پنچایت اترکنڑا، تعلقہ پنچایت بھٹکل ، تعلقہ کے تمام گرام پنچایت کے اشتراک سے دین دیال اپادھیا گرامین کوشلیا منصوبے کے تحت بھٹکل تعلقہ کے بے روزگار نوجوان لڑکوں اور لڑکیوں کے لئے جنتا ودیا لیا شرالی میں منعقدہ روزگار میلہ اور آپسی سوچ بچار پروگرام کا تعلقہ پنچایت صدر ایشور نائک نے افتتاح کیا۔
افتتاح کے بعد خطاب کرتے ہوئے ایشور نائک نے کہاکہ میلے میں جو نوجوان لڑکے اور لڑکیاں شریک ہوئی ہیں وہ آپسی سوچ بچار کے بعد اپنے اپنے پسندیدہ اور صلاحیت کے مطابق کام کو منتخب کرتے ہوئے تربیت پائیں، جس کے نتیجےمیں آپ کو بہترین روزگار ملے گا۔ دنیا میں کوئی بھی بے کار نہیں رہ سکتا ہر ایک کو اپنی زندگی تعمیر کرنا ممکن ہونے کی بات کہی۔ ضلع پنچایت کے سکریٹری آر جی نائک نے خطاب کرتے ہوئے کہاکہ ہمارے پاس دنیا کو بتانے کے لئے بہت ساری تعلیمی اسناد تو ہیں لیکن صلاحیت اور مہارت کی کمی ہے، دنیا بہت بڑی ہے ہم کنوئیں کے مینڈک نہ بنیں ، مفت خوری اور تعیش پسندی ہمیں برباد کرتی ہے ، پرندوں کی زندگی ہمارے لئے مثالی ہونی چاہئے۔ علم، نظم وضبط، کٹھن محنت، لگن ، خود اعتمادی انسان کو کامیاب بنانے کا خیال ظاہر کیا۔ شرالی گرام پنچایت کے صدر وینکٹیش نائک نے پروگرام کی صدارت کی۔ تعلقہ پنچایت اسٹانڈنگ کمیٹی چیرمن وشنو دیواڑیگا ، مالتی موہن دیواڑیگا، شرالی جنتا ودیالیا کے صدر ڈی جے کامت موجود تھے۔ تعلقہ پنچایت افسر سی ٹی نائک نے استقبال کرتے ہوئے افتتاحی کلمات پیش کئے ۔ استاد سریش مرڈیشور نے نظامت کی۔ شرالی گرام پنچایت کے سکریٹری اشوک بورکر نے شکریہ اداکیا۔ تعلقہ کے مختلف دیہی مقامات سے قریب 557بے روزگار نوجوان لڑکے اور لڑکیاں روزگارمیلے میں شرکت کرتے ہوئے اپنے روزگار کو منتخب کرکے آگے بڑھنے کی کوشش کی۔