مرڈیشور میں مرارجی رہائشی اسکول کی6 طالبات کھانا کھانے کے بعد غذائی سمیت کا شکار

Source: S.O. News Service | Published on 1st November 2018, 6:15 PM | ساحلی خبریں |

بھٹکل یکم نومبر(ایس او نیوز) مرڈیشور بستی مکّی نامی علاقے میں واقع مرارجی رہائشی اسکول کی 6طلبہ دوپہر کا کھانا کھانے کے بعد غذائی سمیت(فوڈ پویزننگ) کا شکار ہوگئے جس کے بعد علاج کے لئے انہیں شیرالی کے اسپتال میں منتقل کرنا پڑا۔
غذائی سمیت کی وجہ سے بیمارہونے والی طالبات کی شناخت رکھشا اوپار سرسی(۱۳سال)،کیرتن نائک بھٹکل(۱۳سال)، ہرشیتا نائک سرسی (۱۲سال)، سندھو پجاری سرسی(۱۳سال)، وینا نائک (۱۲سال) کے طور پر کی گئی ہے۔ بتایاجاتا ہے کہ صبح ناشتے کے بعد بچیوں نے دوپہر کا کھانا کھایا تھا۔ شام ۴ بجے کے وقت ساتویں جماعت کی 5اور چھٹی جماعت کی ایک طالبہ نے پیٹ درد کی شکایت کی اور اس کے ساتھ ہی وہ قئے بھی کرنے لگیں۔ فوری طور پر اسکول کی ہیڈ مسٹریس اور ہاسٹل کی وارڈن اور اسٹاف نرس نے ابتدائی طبی امداد دی اس کے بعد ان بچیوں کو مرڈیشور کے پرائیویٹ کلینک میں لے جایا گیا۔ وہاں سے بچیوں کوشیرالی سرکاری اسپتال منتقل کیا گیا۔
رہائشی اسکول کی طالبات کی طبیعت خراب ہونے کی اطلاع ملنے پر بھٹکل تحصیلدار وی این باڈکر نے اسپتال پہنچ کر ان کی عیادت کی، اور اسکول مسٹریس سے اس واقعے کے بارے میں تمام تفصیلات معلوم کرنے کے بعد طالبات کی صحت کے تعلق سے باخبر رہنے کی ہدایت دی۔ اسپتال کی ڈاکٹر ہیماوتی ہیبلے نے بتایا کہ فوڈ پوئزننگ سے بیمار ہوکر اسپتال لائی جانے والی چھ طالبات کو ضروری علاج کے بعد افاقہ ہوا ہے جس کی وجہ سے انہیں رہائشی اسکول میں واپس بھیج دیا گیا ہے۔ مرارجی رہائشی اسکول کی ہیڈمسٹریس ویدیانائک نے بتایا کہ اسکول میں فی الحال 176طالبات زیرتعلیم ہیں۔ انہیں جو غذا فراہم کی جارہی ہے وہ سرکاری قوانین اور معیار کے مطابق ہوتی ہے۔اسکول کے تمام اساتذہ اوردیگر عملے کے افراد طالبا ت ہے کے ساتھ ہی کھانا کھاتے ہیں۔ مگر اچانک 6طالبات کی طبعیت خراب ہوجانے کے بعد انہیں اسپتال لے جاکر ان کا مناسب علاج کردیا گیا ہے۔چونکہ کھانا تمام لوگوں نے کھایاتھا اور صرف ۶ طالبات کی طبیعت خراب ہوئی تھی ، اس کی وجہ سے اس معاملے کو فوڈ پوائزننگ کہنا صحیح نہیں لگتا۔ جن طالبات کی طبیعت بگڑ گئی تھی وہ اب وہ پوری طرح صحت یاب ہوگئی ہیں۔

ایک نظر اس پر بھی

بھٹکل اور ہوناور میں جماعت اسلامی ہند کے زیراہتمام ’سوہاردا افطار کوٹا‘کاانعقاد: برادران وطن نے کیا مسجد اور نماز کا بھی  نظارہ

جب ہم آپس میں ایک دوسرے سے ملتےہیں ، بس میں سفر کرتےہیں تو دنیا بھر کی باتیں کرتے ہیں، سیاست، معیشت، تجارت، بازار وغیرہ پر بہت ساری باتیں کرتےہیں جب کبھی مذہب کے متعلق بات کریں تو فوراً ٹوک دیتے ہیں کہ نہیں صاحب ہم سب آپس میں اچھے ہیں یہ مذہب کی باتیں کیوں؟ ۔ جب کہ سچائی یہ ہے کہ ...

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...

بھٹکل میں انجلی نمبالکر نے کہا؛ آنے والےانتخابات بی جے پی اور کانگریس کے درمیان نہیں ، امیروں اور غریبوں کے درمیان اور انصاف اور ناانصافی کے درمیان مقابلہ

  آنے والے لوک سبھا انتخابات میں اصل مقابلہ  بی جے پی اور کانگریس کے درمیان  نہیں ہوگا بلکہ  اڈانی اور امبانی جیسے  سرمایہ داروں  کو تعاون فراہم کرنے والوں اور غریبوں کو انصاف دلانے والوں کے درمیان ہوگا، صاف صاف کہیں تو یہ سرمایہ داروں اور غریبوں کے درمیان  مقابلہ ہے۔ یہ بات ...