بھٹکل:22/مارچ(ایس اؤ نیوز)تعلقہ کے شہری سطح کے لئے عوام کی دیرینہ مانگ ڈرنیج زون 1کے کاموں کے لئے ریاستی حکومت نے 150کروڑروپئے تک محدود کرتےہوئے منظوری دی ہے۔
ریاستی فائنانس محکمہ کی طرف سے متعلقہ منصوبے کے لئے منظوری دی گئی ہے۔ ریاستی کابینہ میں منظوری ہوتے ہی ٹینڈر بلایاجائے گا۔ اس سے قبل وزیر نے 200کروڑ روپئے منظور کرنےکا زبانی وعدہ کیا گیا تھا لیکن فائنانس محکمہ نے صرف 150کروڑ روپئے امداد کو منظور ی دی ہے ، بقیہ کام کے لئے الگ سے عملی نقشہ تیار کرکے منظوری لینی ہوگی ، اس سلسلے میں بیان جاری کرتے ہوئے رکن اسمبلی منکال وئیدیا نے کہاکہ حکومت سےمنظورشدہ رقم کے ذریعے فوری طورپر زون 1میں کام شروع کیا جائے گا، بقیہ کام کے لئے وزیر اعلیٰ سے ملاقات کرتے ہوئے متعلقہ رقم منظور کروانے کا رکن اسمبلی نے تیقن دیا۔