بھٹکل 19/اپریل(ایس اؤنیوز)سمودایا ابھرودھی یوجنا آر این ایس پالی ٹکنیک مرڈیشور اور امیتاکشھ یوگ ٹرسٹ کے اشتراک سے خواتین کے لئے وائر نیٹنگ ، سلائی، اولن نٹینگ اور بیوٹیشین تربیتی کیمپ میں شرکت کرکے تربیت حاصل کیں ہوئیں خواتین میں اسناد کی تقسیم کاری اور نمائش کا پروگرام منعقد کیا گیا ۔

آر این ایس تعلیمی اداروں کے ڈائرکٹر ایم وی ہیگڈے نے پروگرام کاافتتاح کرنےکے بعد خطاب کرتے ہوئے کہاکہ سرکاری سطح پر جو سہولیات میسر ہیں، ان کو استعمال کرتے ہوئے خواتین کو چاہئے کہ وہ  خود روزگار شروع کریں۔ امیتاکشھ یوگ مرکز کے ڈاکٹر پانڈورنگا نایک نے پروگرام کی صدارت کرتے ہوئے کہاکہ خواتین  کو دباؤ سے باہر نکلنے  اور معاشی سطح پر اُن کو  طاقتور بنانے کے لئے ایسے کیمپ بے حد مفید ہیں ۔ پروگرام کے ناظم کے مری سوامی نے افتتاحی کلمات پیش کئے ۔ تربیت دینے والی  استادنی کویتا کوڈگونٹی کر، شانتی نائک اور  شئیلجا موجود تھیں۔ اوماشری بھٹ نے اپنے تاثرات پیش کئے ۔ گایتری ہیگڈے نے پرارتھناکی۔ اولنڈا گومس نے استقبا ل اور نظامت کے فرائض انجام دئے،  پرکاش نے شکریہ اداکیا۔