بھٹکل:10/ اکتوبر (ایس اؤنیوز)بھٹکل کنداپور روٹ پر دوڑنے والی سرکاری بسیں اسکول وکالج طلبا کی سہولت کی خاطر سرپن کٹا اور سوڑی گدے کراس پر اسٹاپ دینے کا مطالبہ لے کر اے بی وی پی بھٹکل شاخ کے ممبران نے بھٹکل بس ڈپو مینجر وائی کے باناولیکر کو اپیل سونپی۔

بھٹکل کنداپور روٹ پر بے شماربسیں دوڑتی ہیں، لیکن بسیں متعلقہ مقامات پر رکنے سے انکار کئے جانے کی بناء پر طلبا دیگر بسوں ،ٹمپو وغیرہ کا انتظار کرناپڑتاہے۔ طلبا کی مجبوری کو دیکھتے ہوئے اس سلسلے میں ضروری اقدامات کرنے کی اپیل کی گئی ۔ اس موقع پر اے بی وی پی کے دیواکر نائک، لوکیش دیواڑیگا، مہیش سرپن کٹا، سدانند بیلکے ، نتیش شرالی، لوکیش منکی وغیرہ موجود تھے۔